| e-texts navigator |
| Wylie |
229a1 ན།། འཇིགས་པའི་དགྲ་ལས་ངེས་པར་གྲོལ།། གདོན་འཇིགས་འགེགས་ཀྱིས་འཚེ་བའི་ཚེ།། རིག་པ་འདི་བརྗོད་གདོན་དེ་འཇིལ།། སེམས་ཅན་གང་ཞིག་བུ་འདོད་ཀྱང་།། རིག་པ་འདི་བཟླས་རབས
229a2 དེས་ཟིན།། ཉོན་མོངས་དབུལ་ཞིང་ཕོངས་པས་ཀྱང་།། སྙིང་པོ་འདི་བརྗོད་རིན་ཆེན་རྙེད།། གང་ཞིག་འཁོར་བསྡུ་འདི་བརྗོད་ན།། སྲིད་པ་གསུམ་ཡང་འཁོར་དུ་འདུ།། ཕྲིན་ལས་རྣམ་བཞི་ངེས་པར་འགྲུབ།། ཉམས
229a3 སྒྲིབ་ཐམས་ཅད་དག་བྱེད་པའི།། ཡི་གེ་བརྒྱ་པ་བདག་གིས་བརྗོད།། ཉམས་ཆག་ཐམས་ཅད་འདི་ཡིས་སྐོངས།། ཞེས་སྨྲས་ཏེ་ངན་སོང་དོང་ནས་སྤྲུགས་པ་འདི་གསུངས་སོ།། ཨོཾ་ཨཱཿཧཱུཾ་སྭཱ་ཧཱ། ཨོཾ་བཛྲ་སཏྭ་ས་མ་ཡ།
229a4 མ་ནུ་པཱ་ལ་ཡ། བཛྲ་སཏྭ་ཏེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུ་ཏོཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟ་ཤྲེ་ཡཾ་ཀུ་རུ་ཧཱཾ། ཧ་ཧ་ཧ་ཧ་ཧཽ། བྷ་ག་ཝཱན་སརྦ་ཏ་ཐཱ་ག་ཏ
229a5 བཛྲ་མཱ་མེ་མུཉྩ། བཛྲཱི་བྷ་ཝ་མ་ཧཱ་ས་མ་ཡ་བཛྲ་སཏྭ་ཨ། འདི་ནི་དུས་ལ་བབ་པའི་ཚེ།། གསུམ་མམ་བདུན་ནམ་བཅུ་བཞིའམ།། ཉི་ཤུ་རྩ་གཅིག་བརྒྱ་རྩ་བརྒྱད།། ལྷ་བསྒོམ་གསལ་བས་བརྗོད་བྱས་ན།། ཉམས
229a6 ཆགས་ཐམས་ཅད་སྐོང་བར་བྱེད།། ངན་སོང་གསུམ་ལས་ཐར་བར་འགྱུར།། ཡི་དམ་དག་ཏུ་འདི་བརྗོད་ན།། དུས་གསུམ་རྒྱལ་བའི་སྲས་སུ་འགྱུར།། དེ་ནས་ལས་ངན་སེམས་ཅན་དམྱལ་བ་པ་རྣམས་ཀྱིས།། མགོན
iiif viewer powered by OpenSeadragon
