| e-texts navigator |
| Wylie |
228b1 རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལས། ནོངས་པ་དབང་གསོལ་ཕྱག་འཚལ་རྟེན་གྱི་སྐབས་ལས། དཀྱིལ་འཁོར་བསྡུས་པའི་ལེའུ་སྟེ་བཅུ་བཞི་པའོ།། །། རྡོ་རྗེ་སེམས་དཔས་བཀའ
228b2 སྩལ་པ།། གང་གིས་རྒྱལ་བཞི་ཁྲོ་ཡི།། དཀྱིལ་འཁོར་ལྷ་ལ་ཕྱག་འཚལ་ན།། ཉམས་ཆག་མ་ལུས་ལྟ་ཅི་སྨོས།། མཚམས་མེད་ལྔ་ཡི་སྡིག་ཀྱང་འབྱང་།། ན་ར་ཀ་གནས་ཀྱང་དོང་སྤྲུགས་ཏེ།། རིག་འཛིན་རྒྱལ་པོའི་ཞིང
228b3 དུ་གྲགས།། དེ་སྐད་ཅེས་པ་བསྒྲགས་པ་དང་།། དམྱལ་བའི་གནས་ཀྱི་སེམས་ཅན་རྣམས།། དྲན་པ་སླར་ནི་རྙེད་པར་གྱུར།། སྡུག་བསྔལ་སྐབས་དེར་ཞི་བ་ལས། རྡོ་རྗེ་སེམས་དཔས་འདི་སྐད་གསུངས།། ཞིང་ཁམས
228b4 རྒྱལ་བ་རྒྱ་མཚོ་དགོངས།། དུས་གསུམ་སངས་རྒྱས་ཐམས་ཅད་ཀྱི།། ཐུགས་ཀྱི་ཡང་སྙིང་བདག་གིས་བརྗོད།། ཀུན་ནས་བྱིན་གྱིས་བརླབ་པར་མཛོད།། ཀྱེ་ཀྱེ་སྟོན་པ་སངས་རྒྱས་རྣམས།། དུས་གསུམ་རྒྱལ་བའི་ཡང
228b5 སྙིང་འདིས།། འཚམས་མེད་ཉེས་བྱས་རྣམ་སྨིན་བྱང་།། གསང་སྔགས་དམ་ཚིག་སོ་རུ་ཆུད།། མི་དགེ་རྣམས་ལ་སྨོས་ཅི་དགོས།། གང་ཞིག་ནད་ཀྱིས་ཉེན་གྱུར་ཀྱང་།། སྡུག་བསྔལ་དེ་ལས་ངེས་པར་གྲོལ།། འགྲོ་བའི
228b6 ནད་རིམས་བྱུང་བའི་ཚེ།། བདག་ཉིད་ཡི་དམ་གསལ་བ་ཡིས།། སྙིང་པོ་འདི་བརྗོད་དེས་མི་ཚུགས།། གང་ཞིག་ངན་སྔགས་མཚོན་བརྡེག་ཀྱང་།། སྙིང་པོ་འདི་བརྗོད་རང་ལ་བཟློག། དོན་གཉེར་ལམ་འགྲོ་འདི་བརྗོད
iiif viewer powered by OpenSeadragon
