| e-texts navigator |
| Wylie |
226a1 ཀྱང་།། གདུག་པ་འདུལ་ཕྱིར་གཤིན་རྗེའི་སྐུ་ལ་སྦྱོར།། སྦྱོར་སྒྲོལ་ཁྲོ་མོའི་ཚོགས་ལ་ཕྱག་འཚལ་ལོ།། ཆོས་ཉིད་སྤྲོས་བྲལ་ཞི་བ་ཆེན་པོ་ལས།། གདུག་པ་འདུལ་ཕྱིར་ཁྲོ་བོའི་སྐུར་བསྟན་པ།། ཕྱོགས
226a2 སྐྱོང་གཤིན་རྗེའི་ཚོགས་ལ་ཕྱག་འཚལ་ལོ།། ཆོས་ཉིད་དབྱིངས་ནས་སྐུ་བསྐྱེད་ཡུམ་གྱི་ཚུལ།། གཤིན་རྗེའི་སྐུ་ལ་སོ་སོར་དགྱེས་པར་འཁྲིལ།། ཕྱོགས་སྐྱོང་ཡུམ་གྱི་ཚོགས་ལ་ཕྱག་འཚལ་ལོ།། ཐུགས་ཉིད་མི་རྟོག་ཡང་།
226a3 དག་ཡེ་ཤེས་ཀྱིས།། འཁོར་བ་འཇིག་དང་མི་གཏོང་དབྱིངས་སུ་སྒྲོལ།། གཤིན་རྗེའི་སྒོ་མ་བཞི་ལ་ཕྱག་ཚལ་ལོ།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། འཇམ་དཔལ་གཤིན་རྗེའི་ལེའུ་སྟེ་བརྒྱད
226a4 པའོ།། །། དེ་ནས་ཡང་ཅིག་སེམས་དཔས་བཀའ་སྩལ་པ།། ཧོ། དབང་ཆེན་ཀུན་འདུས་རྟ་འགྲིན་དབང་གི་ལྷ།། ཤེས་རབ་གཟི་ལྡན་ཨེ་ཀ་ཛ་ཊཱི་མ།། དབང་སྡུད་སྲས་དང་བཅས་ལ་ཕྱག་ཚལ་ལོ།། སྲིད་གསུམ
226a5 ས་འཇིག་རྟེན་རབ་འབྱམས་འདིར།། འཇིག་རྟེན་འདས་དང་མ་འདས་དབང་བསྔ་ཕྱིར།། དྲག་པོའི་ཚུལ་གྱིས་མ་ལུས་གཟིར་ཞིང་གནོན།། ཟིལ་གནོན་ཁྲོ་བོ་བརྒུད་ལ་ཕྱག་འཚལ་ལོ།། ཤེས་རབ་སེམས་མ་ཡུམ
226a6 གྱི་གཞལ་ཡས་འདིར།། རང་བྱུང་ཡེ་ཤེས་ཐུགས་ལས་སྐུ་སྤྲུལ་པ།། ཟིལ་གནོན་ཁྲོ་མོ་བརྒྱད་ལ་ཕྱག་འཚལ་ལོ།། འཁོར་བའི་ལས་ཉོན་དྲག་ཅིང་རྩུབ་པ་ལ།། ཐབས་ལྡན་འཕྲུལ་གྱི་ཕྱག་མཚན་སྣ་ཚོགས
iiif viewer powered by OpenSeadragon
