| e-texts navigator |
| Wylie |
225b1 ཡིས་འགུགས་འཆིངས་སྡོམ་ཞིང་གཏོགས།། སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོ།། དབང་མཆོག་རྒྱལ་པོའི་རྒྱུད་ལས། ཁྲོ་བོ་ཆེ་མཆོག་གི་ལེའུ་སྟེ་དྲུག་པའོ།། །། དེ་ནས་ཡང་ནི་སེམས་དཔས་བཀའ་སྩལ་པ།། ཧོ།
225b2 ཁྲོ་གཏུམས་འཇིགས་བྱེད་དཔལ་ཆེན་ཧེ་རུ་ཀ། དྲེགས་པ་རུ་དྲ་འདུལ་བའི་ཐབས་མངའ་བ།། ཁྲག་འཐུང་རིགས་ལྔའི་ཚོགས་ལ་ཕྱ་ཚལ་ལོ།། ཁྲོ་མོ་དབང་ཕྱུག་ཀྲོ་དྷི་ཡུམ་ཆེན་ལྔ།། ཁྲོ་རྒྱལ་སྐུ་ལ་གཉིས་མེད་དགྱེས
225b3 སྐོསློང་མ།། ཁྲག་འཐུང་ཡུམ་ཆེན་རྣམས་ལ་ཕྱག་འཚལ་ལོ།། བསྐལ་པ་མེ་ལྟར་འབར་བའི་ཀློང་དཀྱིལ་ནས།། ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བརྒྱན།། ཁྲོ་མོ་ཆེན་མོ་བརྒྱད་ལ་ཕྱག་འཚལ་ལོ།། ནམ་མཁའི
225b4 ལུས་ཅན་གར་ཡང་ཐོགས་མེད་ཅིང་།། འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེ།། ཕྲ་མེན་ཆེན་མོ་བརྒྱད་ལ་ཕྱག་འཚལ་ལོ།། རྡོ་རྗེ་གདོང་མོ་ཕོ་ཉ་མགྱོགས་མ་བཞི།། ཤར་ལྷོ་ནུབ་བྱང་སྒོ་བཞི་ཐུབ་པར
225b5 བསྲུངས།། སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོ།། དབང་མཆོག་རྒྱལ་པོའི་རྒྱུད་ལས། ཡང་དག་གི་ལེའུ་སྟེ་བདུན་པའོ།། །། དེ་ནས་ཡང་ཅིག་སེམས་དཔས་བཀའ་སྩལ་པ།། ཧོ། མི་གནས་མི་དམིགས་ཆོས
225b6 སྐུར་དག་པ་ལས།། བདུད་འདུལ་ཁྲོ་བོ་མཆོག་གི་སྐུར་བསྟན་པ།། ཐུགས་རྗེའི་གཟི་ལྡན་གདུག་པ་ཐབས་ཀྱིས་འདུལ།། ཁྲོ་མཆོག་གཤིན་རྗེའི་ཚོགས་ལ་ཕྱག་འཚལ་ལོ།། ཆོས་དབྱིངས་སྐྱེ་མེད་ངང་ལས་མ་གཡོས
iiif viewer powered by OpenSeadragon
