| e-texts navigator |
| Wylie |
224b1 སྐུ་གསུང་ཐུགས།། བདེ་བར་གཤེགས་པ་ཀུན་གྱི་སྲས་མཆོག་སྟེ།། སེམས་དཔའ་ཆེན་པོ་བརྒྱད་ལ་ཕྱག་འཚལ་ལོ།། སྒེག་མོ་ཕྲེང་ཐོགས་རིན་ཆེན་གླུ་གར་ཅན།། མཁའ་མཉམ་མཆོད་པས་རྒྱལ་བ་རྒྱ་མཚོ
224b2 མཆོད།། དབང་ཕྱུག་ལྷ་མོའི་ཚོགས་ལ་ཕྱག་འཚལ་ལོ།། མེ་ཏོག་བདུག་སྤོས་མར་མེ་དྲི་ཆབ་ཀྱིས།། རྒྱལ་བ་རྒྱ་མཚོ་རྣམས་ལ་མཆོད་འབུལ་མ།། མཆོད་པའི་ལྷ་མོ་རྣམས་ལ་ཕྱག་འཚལ་ལོ།། དྲག་ཤུལ་ཐབས་ཀྱིས
224b3 འགྲོ་བ་འདུལ་མཛད་པ།། ཚད་མེད་བཞི་ལྡན་སྒོ་བཞི་ཐུབ་པར་སྲུངས།། ཏ་ཀྲྀཏ་སྒོ་བ་བཞི་ལ་ཕྱག་འཚལ་ལོ།། རྟག་ཆད་མཐར་ཕྱིན་གསང་བ་ཡུམ་གྱི་ངང་།། ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་མ།། རྡོ་རྗེ
224b4 སྒོ་མ་བཞི་ལ་ཕྱག་འཚལ་ལོ།། སྟེང་འོག་ཕྱོགས་བཞིའི་འཇིག་རྟེན་འདུལ་བའི་གཙོ།། ཉོན་མོངས་དྲུག་འཇོམས་རྒྱུད་དྲུག་དག་པར་སྦྱང་།། བཅོམ་ལྡན་ཐུབ་པ་རྣམས་ལ་ཕྱག་འཚལ་ལོ།། གསལ་མཚེར་ལྷུན་སྡུག
224b5 གཟི་བརྗིད་ཕྱོགས་བཅུར་འཕྲོ།། མཉེན་ལྕགས་འཁྲིལ་ལྡེམ་གཞོན་ཚུལ་ཞི་བའི་ཚོགས།། རྒྱལ་བ་བཞི་བཅུ་གཉིས་ལ་ཕྱག་འཚལ་ལོ།། རང་བཞིན་སྒྱུ་འཕྲུལ་ཞི་བའི་ལྷ་རྣམས་ལ།། གང་ཞིག་ལུས་ངག་གུས་པས
224b6 ཕྱག་འཚལ་ན།། ཉམས་ཆག་ཀུན་ཀྱང་མ་ལུས་བྱང་བར་འགྱུར།། དེ་བས་དེ་ལ་གུས་པར་ཕྱག་འཚོལ་ཞིག། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས
iiif viewer powered by OpenSeadragon
