| e-texts navigator |
| Wylie |
224a1 ཙཀྵཱ་ཨ་བེ་ཤ་ཡ་ཨ། ཞེས་བསྒྲགས་པས། དེ་ནས་ལས་ངན་སེམས་ཅན་དེས།། སྔོན་གྱི་ལས་ངན་དྲན་གྱུར་ཏེ།། སྡུག་བསྔལ་གནོང་ནས་འགྱོད་པ་སྐྱེས།། རྡོ་རྗེ་ཉིད་ལ་ངོ་སྨད་དེ།། ཀྱེ་མ་ཀྱེ་ཧུད་ཀྱེ་ཧུད
224a2 ནོངས།། ཐུགས་རྗེས་འགྲོ་བ་བདག་ལ་སྐྱོབས།། ཐབས་མཆོག་རྒྱལ་པོས་བསྒྲལ་དུ་གསོལ།། སླད་ནས་མི་འཆབ་མི་བགྱིད་དོ།། ཞེས་གདུང་བ་ཕྱུང་བ་ལས། དེ་ནས་རྡོ་རྗེ་སེམས་དཔས། སེམས་ཅན་ལས་ངན་དེ་ཡི
224a3 རྣ་ལམ་དུ་འགྱོད་ཚངས་ཀྱི་རྒྱལ་པོ་ན་རག་དོང་སྤུག་འདི་བཀའ་སྩལ་ཏོ།། ཉོན་ཅིག་ལས་ངན་སེམས་ཅན་ཁྱོད།། འགྱོད་སེམས་ཕྱུང་ལ་ཡིད་གཏོད་ཅིག། ངག་སྒོ་གསལ་བརྗོད་བརྐྱང་ཕྱག་འཚོལ།། ཞེས་གསུངས
224a4 ནས་བཀའ་སྩལ་པ།། ཧོ་དུས་གསུམ་འཇིག་རྟེན་རབ་འབྱམས་མ་ལུས་ཀྱི།། རྒྱལ་བ་རྒྱ་མཚོ་རྣམས་ལ་ཕྱག་འཚལ་ལོ།། ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་།། བྱ་བ་བྱེད་དང་ཡིད་ཆོས་རྣམ་པར་དག། ཀུན
224a5 བཟང་ཡབ་ཡུམ་གཉིས་ལ་ཕྱག་འཚལ་ལོ།། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་།། གཟུགས་སྐུ་འཇའ་ཚོན་བཞིན་དུ་སོ་སོར་གསལ།། ཐབས་དང་ཤེས་རབ་མཆོག་ལ་མངའ་བརྙེས་པའི།། རིགས་ལྔ་བདེ
224a6 བར་གཤེགས་ལ་ཕྱག་འཚལ་ལོ།། ངོ་མཚར་ཕོ་བྲང་བདེ་བར་གཤེགས་པའི་ཡུམ།། དུས་གསུམ་རྒྱལ་བ་ཐམས་ཅད་བསྐྱེད་མཛད་མ།། རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོ།། རྣམ་ཤེས་དབང་པོ་དག་པས
iiif viewer powered by OpenSeadragon
