| e-texts navigator |
| Wylie |
223b1 ཡིད་གསུམ་བག་ཡོད་བྱ།། ཆག་ཉམས་ཐམས་ཅད་གསུམ་ལས་འབྱུང་།། སྐུ་གསུང་ཐུགས་ནི་ལུས་ངག་ཡིད།། བྱིན་བརླབ་བཤགས་སྦྱང་སྤང་སྒྲུབ་དང་།། རང་འཁྲུངས་རྡོ་རྗེ་གསེར་ཉིད་དོ།། ཡིད་ཀྱི་སྒོ་ནས་ཆག
223b2 ཉམས་ན།། ཐུགས་ཀྱི་ལྟ་བས་བཤགས་པར་བྱ།། ལྟ་བ་ལོག་པ་ཉམས་པ་ཆེ།། ཡིན་པ་མེད་པ་ལྟ་བའི་མཆོག། ཡིད་ཀྱི་བཤགས་ཐབས་ཆེན་པོ་ཡིན།། ལུས་ཀྱི་སྒོ་ནས་ཆག་ཉམས་ན།། ཕྱག་རྒྱ་སྐུ་ཡི་བསྒོམ་པས
223b3 བཤགས།། ཕྱོགས་སུ་འཛིན་པ་ཉམས་པ་ཆེ།། ཡེངས་པ་མེད་པ་བསྒོམ་པའི་མཆོག། དགེ་ལས་ལུས་ཀྱི་བཤགས་ཐབས་ཡིན།། ངག་གི་སྒོ་ནས་ཆག་ཉམས་ན།། སྔགས་དང་བཟླས་བརྗོད་སྤྱད་པས་བཤགས།། ཚུལ
223b4 ཆོས་སྤང་བླང་ཉམས་པ་ཆེ།། ཡིན་མིན་མེད་པ་སྤྱོད་པའི་མཆོག། མཛད་སྤྱོད་ངག་གི་བཤགས་ཐབས་ཡིན།། དེ་ལྟར་དམ་ཚིག་གསུམ་བཤགས་ན།། ཉི་ཤུ་རྩ་ལྔ་བཤག་པ་རྣམས།། ཐམས་ཅད་མ་བྱུང་མ་སྐྱེས
223b5 ཏེ།། ཡན་ལག་དམ་ཚིག་བཤགས་སུ་མེད།། ཅི་ཕྱིར་བསྲུང་བྱ་སྲུང་བྱེད་མེད།། སྐྱེ་མེད་དམ་ཚིག་ཤེས་པར་གྱིས།། ཞེས་གསུངས་སོ།། རྡོ་རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལས། དམ་ཚིག
223b6 མཚོན་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་དང་།། ལག་ན་རྡོ་རྗེ་སེམས་ཅན་ལུས་སྲུལ་པོའི་དེ་ཉིད་ཀྱི་མདུན་དུ་བྱོན་ཏེ། མནར་མེད་ཉམ་ཐག་དེ་ལ་འདི་སྐད་ཅེས་སྨྲས་སོ།། ན་ར་ཀ་བུདྡྷ
iiif viewer powered by OpenSeadragon
