| e-texts navigator |
| Wylie |
223a1 གསང་སྔགས་དམ་ཚིག་ནི།། ཉམས་ཆག་བྱུང་ཡང་གསོ་ཐབས་ཡོད།། སྦྱང་ཐབས་མང་ལ་ཐབས་སྒོ་མང་།། སྤྱི་ཁྲུས་ངན་སོང་དོང་སྦུགས་མཛོད།། དབང་མཆོག་རྒྱུད་དྲུག་སྐྱེ་སྒོ་ཆོད།། ཡུལ་མེད་སྒོ
223a2 འདོགས་གཉིས་མེད་ཆོད།། ཅེས་ལུང་བསྟན་ཏོ།། རྡོ་རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལས། ཉམས་པ་གསོ་ཐབས་ལུང་བསྟན་པའི་ལེའུ་སྟེ་གསུམ་པའོ།། །། དེ་ནས་རྡོ་རྗེ་སེམས
223a3 དཔའ་དང་།། ལག་ན་རྡོ་རྗེ་འཛིན་པ་ཡིས།། སངས་རྒྱས་ཀུན་ལ་འདི་སྐད་གསོལ།། ཀྱེ་ཀྱེ་རྒྱལ་བ་རྒྱ་མཚོའི་ཚོགས།། གསང་སྔགས་བླ་མེད་རྡོ་རྗེ་ལ།། དམ་ཚིག་བསྡུས་རྒྱས་ཇི་ལྟར་ལགས།། སྲུང་སྡོམ་ཉམས་པ་ཇི
223a4 ལྟར་བསྐང་།། ཞེས་པ་མཁྱེན་བཞིན་དུ་ཞུས་པས།། རྒྱལ་བ་འདུས་པས་བཀའ་སྩལ་པ།། རྡོ་རྗེ་སེམས་དཔའ་རྡོ་རྗེ་འཛིན།། གསང་སྔགས་འབྲས་བུའི་ཐེག་པ་ལ།། དམ་ཚིག་རྩ་བ་རྣམ་པ་གསུམ།། སྐུ་དང་གསུང
223a5 དང་ཐུགས་གསུམ་མོ།། ཡན་ལག་དམ་ཚིག་ཉི་ཤུ་ལྔ།། མི་སྤང་ལྔ་དང་བླང་བ་ལྔ།། སྤྲད་བྱ་ལྔ་དང་བསྒྲུབ་བྱ་ལྔ།། གཞན་ཡང་ཉིང་ལག་བསམ་ལས་འདས།། འབུམ་སྡེ་ལ་སོགས་དམ་ཚིག་ཀྱང་།། རྩ་བ་ཡན་ལག
223a6 ཤེས་པར་བྱ།། བསྙེན་བསྒྲུབ་རྣམ་བཞིའི་སྒོར་ཞུགས་ནས།། དམ་ཚིག་དེ་དག་བསྲུང་བར་བྱ།། ལེགས་པར་བསྲུང་དང་བསྲུང་དུ་མེད།། ཡན་ལག་ཉི་ཤུ་རྩ་ལྔ་ཡང་།། རྩ་བའི་དམ་ཚིག་གསུམ་དུ་འདུས།། ལུས་ངག
iiif viewer powered by OpenSeadragon
