| e-texts navigator |
| Wylie |
222b1 སེམས་དཔའ་དང་།། ལག་ན་རྡོ་རྗེ་སྟོབས་ཆེན་གྱིས།། སྐད་མཐུན་ཚིག་སྒོ་གཅིག་པ་ཡིས།། རྒྱལ་བའི་ཚོགས་ལ་འདི་སྐད་པ་བརྗོད།། དེ་ལྟར་འདུལ་བའི་དུས་ཡིན་ན།། ཐབས་མཆོག་གང་གིས་དྲང་བར་བྱ།། སླར
222b2 གསོལ་བ་དེ་བསྟན་དུ་གསོལ།། ཅེས་པ་རྒྱལ་བ་ལ་ཞུས་པས།། ཀུན་བཟང་རྡོ་རྗེ་རྣམ་སྣང་གིས།། སྤྲུལ་པ་ཉིད་ལ་བཀའ་སྩལ་པ།། ལེགས་སོ་སེམས་དཔའ་རྡོ་རྗེ་འཛིན།། མཁྱེན་པར་གྱུར་ཀྱང་ཞུས་པ
222b3 ལེགས།། རིག་པ་འཛིན་པ་རིགས་ཀྱི་བུ།། གསང་སྔགས་དམ་ཚིག་ཉམས་པ་ལ།། ན་ར་ཀ་དོང་ནས་སྤྲུགས་པ་ཡིས།། འགྱོད་ཚངས་བཤགས་པའི་རྒྱལ་པོ་སྒྲོགས།། ཆོས་ཉིད་དོན་གྱི་སྒྲོན་མ་ཐེག། ལུས་ངག་ཡིད
222b4 གསུམ་བརྩོན་འགྲུས་ཕྱུང་།། སྐུ་གསུང་ཐུགས་ཀྱི་ཚངས་པ་ཐོབ།། ངན་སོང་དོང་སྦུགས་སྐུ་གསུམ་མཐོང་།། ཕྱི་ནང་གསང་བའི་དབང་བསྐུར་གྱིས།། རྒྱུད་དྲུག་གནས་ནས་ངེས་པར་དྲོངས།། ཡེ་ཤེས་ལྔ་ལྡན་ཆོས
222b5 སྐུ་ཐོབ།། ཡུལ་མེད་མིང་གི་སྒྲོ་འདོགས་ཆོད།། གསང་སྔགས་བླ་མེད་རྡོ་རྗེ་ལ།། ཐབས་མཆོག་བླ་ན་མེད་པ་བཞུགས།། ཉན་ཐོས་རང་རྒྱལ་ལྟ་བུ་མིན།། དཔེར་ན་ཉན་ཐོས་འདུལ་ཁྲིམས་ནི།། རྫ་སོ་མ་བཏང་ཆག་པ
222b6 འདྲ།། ཆག་པར་གྱུར་ན་གསོ་ཐབས་མེད།། གསང་སྔགས་རྡོ་རྗེ་ཐེག་པ་ནི།། རིན་ཆེན་གསེར་འདྲ་རྒྱུ་མཆོག་བཟང་།། གསེར་དངུལ་སྣོད་འདྲ་ཞོམས་ཀྱང་བཅོས།། སྔ་མ་བཞིན་དུ་ལེགས་པར་སོས།། དེ་བཞིན
iiif viewer powered by OpenSeadragon
