| e-texts navigator |
| Wylie |
222a1 རྔན་བྱེད་པ།། ཁྱོད་ཀ་སྐྱེ་བ་གཅིག་གིས་སུ།། སེམས་ཅན་སྲུལ་པོ་གཅིག་ཏུ་སྐྱེས།། ཚེ་ཐུང་ནད་ཀྱིས་ལུས་གཟིར་བ།། དམུས་ལོང་ལྐུགས་པ་མཛེ་ལྐོག་དང་།། ཤ་བཀྲ་བས་ལྡག་ཆུ་བུར་དང་།། རྐང
222a2 ལག་ཞ་གྲུམ་དབུལ་པོ་དང་།། ལུས་ལ་ཤ་ཟས་ཚང་འཆའ་ཤོག། ཚེ་འཕོས་ནས་ཀྱང་ན་ར་ཀ་གནས།། ཁ་འཁོར་སྡུག་བསྔལ་ཐར་མེད་ཤོག། དེ་ལས་ཐར་ཡང་པྲེ་ཏ་ཀ། ཏིརྱ་ཀ་ཡི་ཁ་འཁོར་ཤོག། དུས་དང
222a3 རབས་ཐམས་ཅད་དུ།། འཕགས་པའི་ཞལ་ནི་མི་མཐོང་ཞིང་།། བྱང་ཆུབ་མྱུ་གུ་སྔོ་བསྐམ་ཤོག། ཅེས་པ་ངན་སེམས་དམོད་པ་བོར།། ཉེས་བྱས་དམ་ཉམས་རྒྱལ་བུ་དེ།། དེ་ནས་མྱུར་དུ་ལུས་དག་ལ།། ནད་རྣམས
222a4 ཀུན་ཕོག་ཚེ་དུས་བྱས།། རང་གི་ཉེས་བྱས་རྣམ་སྨིན་དང་།། བྲམ་ཟེའི་དམོད་པ་སྨོན་ལམ་གྱིས།། སེམས་ཅན་ལུས་སྲུལ་གཅེར་བུར་སྐྱེས།། ལུས་ལ་ནད་སྣ་སྣ་ཚོགས་བྱུང་།། ཤ་ཟ་སྟོང་གི་ཚང་ཡང་བཅས།། བྱང་ཆུབ
222a5 མྱུ་གུ་སྔོ་བསྐམས་ནས།། ན་ར་ཀ་གནས་ན་སྡུག་བསྔལ་སྤྱོད།། ཚ་གྲང་གཤེགས་གཏུབས་ལ་སོགས་མྱོང་།། དེ་བཞིན་པྲེ་ཏ་ཏིརྱ་འཁོར།། རྣམ་སྨིན་སྡུག་བསྔལ་དེ་སྤྱོད་པས།། རྡོ་རྗེ་སེམས་དཔའ་རྡོ་རྗེ
222a6 འཛིན།། ཐུགས་རྗེ་ཆེན་པོས་དེ་ལས་དྲོངས།། ཞེས་གསུངས་སོ།། རྡོ་རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལས། སྔོན་བྱུང་རྒྱུ་རྐྱེན་གཏམ་རྒྱུད་ཀྱི་ལེའུ་སྟེ་གཉིས་པའོ།། །། དེ་ནས་རྡོ་རྗེ
iiif viewer powered by OpenSeadragon
