| e-texts navigator |
| Wylie |
221b1 འབྱོར་གསེར་སྣོད་ངན་དུག་གཡོ།། དུག་ཅན་སྣོད་ལ་བྲོས་པར་འོས།། མ་བྲོས་ཉེས་སྐྱོན་ལུས་སེམས་འབྲལ།། ཅེས་པ་དམ་ཚིག་བརྡའ་བསྟན་ཡང་།། རྣལ་འབྱོར་པས་ནི་བསམ་གཏན་མཛད།། དེ་ནས་རྒྱལ་བུས
221b2 བྲམ་ཟེ་བོས།། མྱོས་ཆང་བླུད་ནས་རྔན་བྱས་པ།། དབང་པོའི་དངས་མ་གསལ་བྱེད་མིག། ལྕགས་ཀྱི་ཟུར་མ་ཕྲ་མོས་གཙགས།། ཚིག་སྒོ་གསལ་བྱེད་སྨྲ་བའི་ལྕེ།། ལྕགས་ཀྱུས་དྲངས་ཏེ་སྤུ་གྲིས་བཅད།། ལུས་ལ་རུས
221b3 སྦལ་ཁྲག་གིས་བྱུགས།། མི་གཙང་དམེ་བའི་བུད་མེད་ཀྱིས།། ལུས་ལ་བརྫི་བཅག་ཉེ་བར་བྱས།། རྐང་པའི་སྐྱིད་པ་མཚོན་གྱིས་བཅད།། ལག་པའི་སྲན་ཚོ་དེ་བཞིན་བྲེགས།། དེ་ལྟར་རྔན་བྱས་བཞག་པ་ན།། བྲམ་ཟེ
221b4 དྲན་པ་སད་པ་ལས།། མིག་དབྱེར་མིག་མེད་ལྕེ་ཡང་མེད།། འགྲོ་བའི་རྐང་མེད་ལུས་སྟོབས་བྲལ།། བུད་མེད་ཀྱིས་བརྫིས་འགུལ་སྟོབས་མེད། རུས་སྦལ་ཁྲག་བྱུགས་ཆུ་བུར་དང་།། རྐང་པ་ལ་སོགས་ནད་རྣམས
221b5 བྱུང་།། དྲན་པ་རང་ཡང་རབ་རིབ་འདུག། རྟབས་ཏེ་བྲམ་ཟེས་བསམས་པ་ལ།། འདི་ལྟར་བདག་ལ་འདི་བྱུང་བ།། སྔོན་མའི་ལས་ཀྱི་རྣམ་སྨིན་ནམ།། འོན་ཏེ་གཞན་གྱིས་ཕྲག་དོག་བྱས།། མཉམ་པར་བཞག་སྟེ
221b6 བལྟས་པ་ལས།། རང་ལ་རྒྱལ་བུས་རྔན་བྱས་མཐོང་།། དེ་ནས་བྲམ་ཟེ་དམོད་པ་བོར།། ཀྱེ་མ་ཀྱེ་ཧུད་རྒྱལ་བུ་ཁྱོད།། ལོ་དང་ཟླ་བར་བསླབས་སྦྱངས་ནས།། རིག་པའི་གནས་ལ་མཁས་བྱས་པས།། ལན་དུ་འདི་ལྟར
iiif viewer powered by OpenSeadragon
