| e-texts navigator |
| Wylie |
220a1 པོའི་རྒྱུད་འདི་ནི།། དུས་ངན་ཐ་མའི་དུས་དག་ཏུ།། སྔགས་པས་དམ་ཚིག་མི་བསྲུང་བས།། ལས་ཀྱི་འབྲས་བུ་ངན་སོང་འཁོར།། ཟང་ཟིང་ནོར་གྱིས་མིག་བྲིད་ནས།། ན་རག་གནས་སུ་འཁོར་བྱེད
220a2 པས།། དེ་དུས་ང་ཡིས་རྒྱུད་འདི་འབྱུང་།། དཔེར་ན་ནོར་བུ་རིན་ཆེན་འདྲ།། དབུལ་དང་ནད་དང་འཇིགས་པ་མེད།། ཐར་པའི་ལམ་སྐས་བྱེད་པར་ངེས།། དཔེར་ན་མཁའ་ལ་ཉི་ཤར་འདྲ།། མུན་པའི་སྨག་ལ་གསལ
220a3 བའི་རྐྱེན།། ཉི་ཟླ་ལྟ་བུ་རྟོགས་བྱེད་ངེས།། དཔེར་ན་མེ་དང་ཤིང་ལྟ་བུ།། ཤིང་ཉིད་མེ་ཡི་གྲོགས་སུ་ངེས།། ཀྱེ་ཧོ་ནམ་མཁའི་མཐོང་ན་འབྱུང་བ་གནས།། ས་ཆུ་མེ་རླུང་གང་ཡང་སྣང་།། ཐམས་ཅད་ནམ་མཁའི་ངང
220a4 དུ་ཐིམ།། ཞེས་གསུངས་ནས་མི་སྣང་བར་གྱུར་ཏོ།། རིག་འཛིན་རྒྱལ་པོ་དགེ་མཐོང་ལ་སོགས་པའི་འཁོར་རྣམས་ཀྱིས་མངོན་པར་བསྟོད་དེ་རྗེས་སུ་ཡི་རང་ངོ་།། སྤྲུལ་པ་རྣམས་ནི་མངོན་པར་བསྡུས་ཏེ། རྡོ་རྗེའི་སྦྲུལ
220a5 སྐུ་ལ་གཏད་དོ།། ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ཅེས་བྱ་བ་ལེའུ་ཉེར་གཅིག་པ་རྫོགས་སོ།། །། དགེ་ལེགས་སོ།། །། རྒྱ་གར་སྐད་དུ། བཛྲ་སཏྭ་ཤ་ཏཱ་ཀྵ་རཱ་ཀ་ཨ་བྷི་ཥེ་ཀོཏྟ་མ་ཧཱ་ར་ཛ་ཏན་ཏྲ་ནཱ་མ།
220a6 བོད་སྐད་དུ། རྡོ་རྗེ་སེམས་དཔའི་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་མཚང་ཆེན་པོ་ལ་ཕྱག་ཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། དེ་བཞིན
iiif viewer powered by OpenSeadragon
