| e-texts navigator |
| Wylie |
21a1 སེམས་ཀྱི་འཁྲུལ་གཞིར་འཐད།། ཅི་ཕྱིར་རིག་ཙམ་ཕྱོགས་མཐུན་ཕྱིར།། འོད་ལྔ་ལུས་ཀྱི་འཁྲུལ་གཞིར་འཐད།། ཁ་དོག་དབྱིབས་སུ་ཕྱོགས་མཐུན་ཕྱིར།། ཕྲ་དང་རག་པའི་ཁྱད་པར་ལས།། གཞི་དང
21a2 དངོས་ཀྱི་ཁྱད་པར་བསྟན།། དེས་མཚོན་ཚིག་རྣམས་ངས་བཤད་ཉོན།། འཁྲུལ་པ་ཞེས་སུ་བཤད་པ་དང་།། རིག་པ་ཞེས་སུ་བརྗོད་པ་དང་།། འོད་ཟེར་ཞེས་སུ་བརྗོད་པ་དང་།། བསྐལ་པ་དང་པོར་བརྗོད་པ
21a3 དང་།། ཐོག་མ་ཞེས་སུ་བརྗོད་པ་དང་།། འདས་དང་མ་འོངས་གོང་རོལ་ནས།། ཞེས་པ་དང་། ང་མེད་པ་ཡི་སྔོན་རོལ་ན།། སེམས་ཅན་བྱ་བ་གདོད་ནས་མེད།། སེམས་ཅན་མེད་པའི་སྔོན་རོལ་ནས།། འབྱུང་བ་ཆེན
21a4 པོ་ཡེ་ནས་འཕགས།། འབྱུང་བ་མེད་པའི་སྔོན་རོལ་ནས།། ནམ་མཁའ་ཆེན་པོ་ཡེ་ནས་འཕགས།། ནམ་མཁའ་མེད་པའི་སྔོན་རོལ་ནས།། ཆོས་ཉིད་རྣམ་དག་ཡེ་ནས་འཕགས།། ཆོས་ཉིད་རྣམ་དག་ཀློང་ཡངས
21a5 ནས།། ཆེན་པོ་ལྔ་ཉིད་ཡེ་ནས་རྣམ་པར་དག། ཆེན་པོ་ལྔ་ཡི་སྙིང་པོ་རུ།། ང་ཉིད་གཅིག་པུ་སྔོན་དུ་བྱུང་།། དེ་ཕྱིར་བསྐལ་པ་འབུམ་ཁྲི་འབུམ་སྟོང་སྔོན་རོལ་དུ།། ང་ཉིད་གཞན་པས་སྔ་བར་བྱུང་བའི་ཕྱིར།། ཞེས་ངས
21a6 བཤད་པ་རྣམས་ནི། འབོད་སྐད་ཀྱིས་སྡེབས་ལ་འཁྲུལ་གཞིར་འབྲུ་གནོན། རིགས་ཀྱི་བུ་ཞིབ་ཏུ་གཞི་སྣང་གི་སྐབས་སུ་བསྟན་པས་འདིར་མ་བརྗོད་དོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པའི་རྒྱུད
iiif viewer powered by OpenSeadragon
