| e-texts navigator |
| Wylie |
219a1 ལོག་བལྟས་ནས།། རྩ་བའི་དམ་ཚིག་ཉམས་པ་སོགས།། མི་འཆབ་མི་སྦེད་མཐོལ་ལོ་བཤགས།། སླན་ཆད་བསྡམ་མོ་དབང་མཛོད་ཅིག། སྔ་རབས་གོང་དུ་ཅི་བགྱིས་པ།། ལུས་ངག་ཡིད་གསུམ་འབད
219a2 རྩོལ་གྱིས།། ཕ་རོལ་ཕྱིན་དྲུག་ཉམས་བླངས་ལ།། འགྱོད་ཚངས་དཔང་གསོལ་ཞི་ཁྲོའི་ལྷར།། ལུས་ངག་ཡིད་གསུམ་མོས་ནས་བཤགས།། བྱིན་རླབས་སྔགས་མཆོག་བརྒྱ་པ་ནི།། བདུན་གསུམ་ཉི་ཤུ་རྩ་གཅིག
219a3 གམ།། བརྒྱ་རྩ་བརྒྱད་དུ་བཤགས་པར་བྱ།། སྨྲེ་འགྱོད་མཐོལ་ལོ་གདུང་བའི་ཚིག། བརྐྱང་ཕྱག་གུས་བྱས་ཚིག་གིས་བཤགས།། སེམས་བསྐྱེད་ལས་བརྩོན་འགྲོ་བའི་དོན།། སྨོན་ལམ་བཀྲ་ཤིས་དགེ་བ
219a4 བཤགས།། ཐམས་ཅད་ཡུལ་མེད་མིང་བྲལ་མཐོང་།། རྟོགས་པ་མཉམ་ཉིད་ལྟ་བས་བཤགས།། ཨེ་མ་བདག་གི་ཕུང་པོའི་ཁམས་དང་སྐྱེ་མཆེད་རྣམས།། འདོད་པའི་ཡོན་ཏན་ལྔར་གྱུར་ཏེ།། ཕྱི་ནང་གསང་བའི་མཆོད
219a5 པར་བཞེས།། བ་སྤུ་རྡུལ་ཕྲན་རེ་རེས་ཀྱང་།། འགྲོ་བའི་དོན་རྣམས་བྱེད་པར་ཤོག། ཅེས་ཕྱི་ནང་གསང་བ་གསུམ་གྱི་མཆོད་པ་ཕུལ་ལོ།། དབང་མཆོག་རྒྱལ་པོའི་རྒྱུད་ལས། སྒྱུ་མ་བཤགས་མཆོད་སྨོན་ལམ་གྱི་ལེའུ
219a6 སྟེ་ཉི་ཤུ་པའོ།། །། དེ་ནས་འཁོར་འདུས་པ་དེ་དག་གིས།། རྡོ་རྗེ་སེམས་དཔའ་དཔལ་མགོན་ལགས།། རྒྱུད་ཆེན་འདི་ཡི་དཔེ་མཚོན་ཅི།། གང་གི་དུས་སུ་དར་བར་བགྱི།། ཞེས་ཞུས་པས། རྡོ་རྗེ་སེམས་དཔས
iiif viewer powered by OpenSeadragon
