| e-texts navigator |
| Wylie |
218b1 བཀའ་སྩལ་པ།། རྡོ་རྗེ་འཛིན་པའི་འཁོར་འདུས་ཉོན།། མཐོང་ངམ་མཐོང་ངམ་མཐོང་བར་ལྟོས།། མ་མཐོང་བ་ནི་ཅི་ཞིག་བསྒོམ།། དཔེར་ན་དམུས་ལོང་འགའ་དག་གིས།། གླང་ཆེན་རྩལ་ལྡན་ལག་ནོམས་ནས།། སྣ
218b2 དང་མཇུག་མ་རྐང་ལག་རྒྱབ།། དང་པོར་གང་རེག་བསྒོམ་པ་འདྲ།། དེ་བས་མཁས་པས་ལེགས་པར་ལྟོས།། རྨི་ལམ་ལྟོས་ཤིག་མཐོང་བ་ན།། རྨི་ལམ་བསྒོམ་པས་བསྒོམ་པ་ཡིན།། རྨི་ལམ་ཤེས་ནས་རྨི་ལམ
218b3 བསྒོམ།། སྒྱུ་མ་མཐོང་ནས་སྒྱུ་མ་བསྒོམ།། སྒྱུ་མའི་གཟུགས་དང་སྒྱུ་མའི་སྒྲ།། སྒྱུ་མའི་དྲི་དང་སྒྱུ་མའི་རོ།། སྒྱུ་མའི་རེག་དང་སྒྱུ་མའི་ཆོས།། སྒྱུ་མ་ལེགས་པར་མཐོང་བ་ན།། སྒྱུ་མ་འདྲིས་པ་བསྒོམ་པ་ཡིན།། གོམས
218b4 པར་གྱིས་ཤིག་སྒྱུ་མ་ལས།། སྒྱུ་མར་སྤྱོད་ཤེས་སྒྱུ་མ་ཡིན།། སྒྱུ་མ་འབྲས་མེད་འབྲས་བུ་ཡིན།། དེ་བཞིན་རྨི་ལམ་སྨིག་རྒྱུ་རྣམས།། དེ་ལྟར་མཁས་པས་ལེགས་པར་ལྟོས།། མཐོང་མེད་མཐོང་ན་ལྟ་བ་ཡིན།། དེ་དག
218b5 གོམས་ན་བསྒོམ་པའོ།། གཉིས་མེད་སྤྱོད་པས་སྤྱོད་པ་ཡིན།། འདུ་འབྲལ་མེད་ན་འབྲས་བུའོ།། ཞེས་གསུངས་སོ།། དེ་ནས་རིག་འཛིན་རྒྱལ་པོ་དགེ་མཐོང་དེས།། སངས་རྒྱས་རྡོ་རྗེ་སེམས་དཔའ་དང་།། མགོན་པོ་རྡོ
218b6 རྗེ་འཛིན་པ་ལ།། འཛུམ་པའི་མདངས་ཕྱུང་གུས་བཏུད་ནས།། རྒྱལ་བའི་ཚོགས་ལ་འདི་སྐད་གསོལ།། དྲུག་གི་དཀྱིལ་འཁོར་གཉིས་འདུས་ལྷར།། བདག་དྲ་མ་རིག་དྲེགས་པ་ཡིས།། ཡང་དག་ཉིད་ལ
iiif viewer powered by OpenSeadragon
