| e-texts navigator |
| Wylie |
218a1 པ་བདེན་རྫུན་འཁྲུལ་པས་ཤེས།། སྒྱུ་མའི་ཆོས་དང་ཀྲི་ལེ་མཉམ།། དངོས་པོ་འཁྲུལ་པས་བདེན་པ་མེད།། དེ་བཞིན་སྤྲུལ་པས་སྤྲུལ་པ་རྣམས།། ཡོད་ནས་མི་སྤྲུལ་མེད་ནས་སྤྲུལ།། སྤྲུལ་པ་ཡིན་པས
218a2 ཡོད་པ་མེད།། དེ་བཞིན་འཁྲུལ་པའི་ལས་རྣམས་ཀྱང་།། སྤྲུལ་པ་ཉིད་དང་ཀྲི་ལེ་མཉམ།། དེ་ཕྱིར་འཁྲུལ་པ་ཟེར་བས་ཆོག། དེ་བཞིན་གཟུགས་བརྙན་ཆུ་ཟླ་འདྲ།། ཀྲོང་ངེ་འདུག་ཀྱང་ཟླ་བ་མེད།། དེ་བཞིན་དངོས
218a3 པོར་སྣང་བ་འདི།། ཀྲོང་ངེ་འདུག་སྟེ་སྣང་བ་མེད།། ཡོད་ན་སྣང་བ་མཐུན་ནམ་ཅི།། སྣང་བ་གཅིག་ལ་མཐུན་པ་མེད།། གཟུགས་བརྙན་ཉིད་དང་ཀྲི་ལེ་མཉམ།། དེ་བཞིན་སྒྲ་བརྙན་ལྟ་བུ་སྟེ།། ཡོད་ནས་མ་བཏགས
218a4 མེད་ནས་བཏགས།། ཡོད་ན་མིང་བཏགས་གཅིག་པར་རིགས།། གཅིག་ལ་མིང་བཏགས་དོན་མཐུན་མེད།། སྒྲ་བརྙན་ཉིད་དང་ཀྲི་ལེ་མཉམ།། དེས་ན་བྲག་ཆ་ཉིད་དང་ཁྱད་པར་མེད།། ཡོད་པས་མི་སྣང་མེད་པས
218a5 སྣང་།། དཔེར་ན་དྲི་ཟའི་གྲོང་ཁྱེར་འདྲ།། ཀྲོང་ངེ་འདུག་པའི་དུས་ན་མེད།། སྣང་བ་རང་གིས་མེད་པ་ཡིན།། མེད་ན་སེམས་ཀྱི་ཆོ་འཕྲུལ་ལྟོས།། སྒྱུ་མའི་ཆོས་ཉིད་མཐོང་ན་ལྟ་བ་ཡིན།། མཐོང་མེད་མཐོང་ན་ཡིན་པ
218a6 མེད།། ལྟ་བ་ཡིན་པ་མེད་པ་ཡིན།། ཅེས་གསུངས་སོ།། དབང་མཆོག་རྒྱལ་པོའི་རྒྱུད་ལས། སྒྱུ་མའི་ཆོས་བདུན་གྱི་སྣང་བ་མེད་པར་ཐག་བཅད་པས་བལྟ་བ་རྟོགས་པའི་ལེའུ་སྟེ་བཅུ་དགུ་པའོ།། །། དེ་ནས་ཡང
iiif viewer powered by OpenSeadragon
