| e-texts navigator |
| Wylie |
217b1 མཐུན་ཙམ་ཡང་མི་སྣང་ཕྱིར།། དེས་ན་མེད་པ་སྣང་བ་ཡིན།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། སྣང་བའི་གནད་བསལ་བའི་ལེའུ་སྟེ་བཅོ་བརྒྱད་པའོ།། །། དེ་ནས་ལག་ན་རྡོ་རྗེ་ཡིས།།
217b2 སྟོན་པ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་འཆང་།། མེད་ནས་སྣང་བའི་དཔེ་དོན་གསུངས།། འཁོར་རྣམས་ཚིག་ཆེན་དེས་སྐྲག་གནས།། ཡང་དག་གནས་ལ་ལོག་ལྟ་འབྱུང་།། ཞེས་ཞུས་པས།། སྟོན་པ
217b3 རྡོ་རྗེ་ཆོས་སྐུ་ཡིས།། རྡོ་རྗེ་འཛིན་ལ་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས་ཁྱོད།། འཁྲུལ་པའི་སྣང་བ་སྣ་ཚོགས་འདི།། ཡོད་ནས་མི་སྣང་མེད་ནས་སྣང་།། དཔེར་ན་སྒྱུ་མའི་དཔེ་བརྒྱད་འདྲ།། སྐྱེས་བུ
217b4 གཉིད་ལོག་རྨི་ལམ་ན།། བུ་དང་ཆུང་མ་ནོར་ཕྱུགས་ཀུན།། ཤིན་ཏུ་ལོངས་སྤྱོད་སྒྱིད་ལྡན་ལ།། གོ་མཚོན་དམག་མང་དགྲ་དག་གིས།། བུ་བསད་ནོར་བཅོམ་སྡུག་བསྔལ་རྨི།། སྐྱེས་བུ་དེ་ཡི་རྨི་ལམ་དེ།། ཡོད་ནས་སྣང
217b5 ངམ་མེད་ནས་སྣང་།། སད་པར་གྱུར་ནས་ཇི་སྙམ་སེམས།། འཁྲུལ་པའི་ཆོས་དེ་བདེན་ནམ་བརྫུན།། བདེན་ན་བདེན་པར་ཀྲི་ལེ་མཉམ།། བརྫུན་ན་བརྫུན་པར་ཀྲི་ལེ་མཉམ།། དེ་བཞིན་སྒྱུ་མའི་མཁན་པོ་ཡི།། སྒྱུ
217b6 མའི་སྐྱེས་པ་བུད་མེད་དང་།། ཁང་ཁྱིམ་རོལ་མོ་གཅན་གཟན་ཀུན།། ཡོད་ནས་མི་སྣང་མེད་ནས་སྣང་།། སྒྱུ་མ་ཤེས་པས་སྒྱུ་མ་མེད།། སྒྱུ་མ་བདེན་རྫུན་སྒྱུ་མས་ཤེས།། དེ་བཞིན་འཁྲུལ་པའི་དངོས་པོ་འདི།། འཁྲུལ
iiif viewer powered by OpenSeadragon
