| e-texts navigator |
| Wylie |
217a1 ཀན།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། རྟོག་པ་ཐེ་ཚོམ་གྱི་གེགས་བསལ་བས་ཆོས་སྐུའི་ཞལ་མཐོང་བའི་ལེའུ་སྟེ་བཅུ་བདུན་པའོ།། །། དེ་ནས་ཡང་བཀའ་སྩལ་པ།། ཉོན
217a2 ཅིག་རྡོ་རྗེ་འཛིན་པའི་འཁོར།། དཔེར་ན་སྣང་བ་སྣ་ཚོགས་ཀྱང་།། སྒྱུ་མའི་ཆོ་འཕྲུལ་ཇི་བཞིན་ནོ།། སྒྱུ་མའི་དངོས་པོ་གང་གིས་བྱེད།། སྒྱུ་མ་རྟེན་འབྲེལ་སྐྱེ་བ་མེད།། དཔེར་ན་སྐྱེས་བུ་གཉིད་ལོག་ན།། རྨི་ལམ་དགེ
217a3 སྡིག་ཆོ་འཕྲུལ་ནི།། དངོས་པོར་སྣང་བ་ཇི་བཞིན་རྨི།། ཉིན་པར་བག་ཆགས་མཚན་བྱུང་བ།། དེ་ལ་དངོས་པོ་ཡོད་དམ་མེད།། དཔེར་ན་གོང་གི་རྨི་ལམ་ན།། སྐྱེས་བུ་མཚོན་ཐོགས་མང་པོ་ཡིས།། བདག་གསོད་འཐབ
217a4 མཁོན་རི་ལ་དེད།། བྲེད་སྔངས་ངལ་ཆད་ཤི་ཉེར་བྲོས།། སད་པར་གྱུར་ན་དེ་ཅིར་སྣང་།། དེ་ཕྱིར་སྣང་བའི་དངོས་པོ་འདི།། རི་རབ་གླིང་བཞི་འབྱུང་བ་ཀུན།། དགྲ་གཉེན་ཆགས་སྡང་སྔགས་བསྔལ་ཀུན།། སྒྱུ་མའམ
217a5 རྨི་ལམ་ཇི་བཞིན་ནོ།། ཡོད་ནས་མི་སྣང་མེད་ནས་སྣང་།། མཐོང་བའི་ཆོས་ཀུན་ཡོད་པ་མེད།། མེད་པས་ཡོད་བཟུང་འཁྲུལ་པ་ཡིན།། འཁྲུལ་བའི་དུས་ན་ཡོད་པ་མེད།། ཀུན་རྫོབ་ཙམ་དུ་ཡོད་ཟེར་ན། ཀུན་རྫོབ་ཙམ
217a6 དུ་སུ་ལ་བདེན།། བདེན་ནམ་བདེན་ན་འགྲོ་བ་ཀུན།། ཐམས་ཅད་སྣང་བ་མཐུན་པར་རིགས།། དེ་བས་ཕྱོགས་མཐུན་ཙམ་ཡང་མེད།། དཔེར་ན་དངོས་པོ་ཆུ་ལྟ་བུར།། རིགས་དྲུག་རྟག་ཆད་ཐེག་པ་རྣམས།། ཕྱོགས
iiif viewer powered by OpenSeadragon
