| e-texts navigator |
| Wylie |
216a1 པ་སོགས།། རང་མེད་རོ་དང་ཕྲོལ་ཅིག་འཁོར་ཚོགས་ཁྱེད།། ང་དང་སྣང་བ་གཉིས་པ་མེད།། ང་མེད་ང་གཅིག་སུ་ལ་འདུག། སྣང་མེད་སྣང་བ་སུ་ལ་བདེན།། ཆོས་ཅན་དངོས་པོ་གང་ལ་འདུས།། དགེ
216a2 དང་མི་དགེ་མཉམ་པ་ཉིད།། ང་མེད་བདག་མེད་ང་བདག་གང་།། སུ་ལ་ང་བདག་ཡོད་ལ་འཁོར།། གང་ཞིག་ཐེ་ཚོམ་སུས་ཟ་བ།། ང་བདག་ཚོལ་ཅིག་ང་ལ་ལྟོས།། བཙལ་ཀྱང་འདུན་ད་རུང་ཚོལ།། ཚོལ་མཁན་ཚོལ
216a3 ཅིག་ཚོལ་མཁན་མེད།། བལྟས་ཀྱང་མ་མཐོང་ལྟ་མཁན་ལྟོས།། ལྟ་མཁན་ལྟོས་ཤིག་ལྟ་མཁན་མེད།། དཔེར་ན་ཆོས་ཅན་རྡོ་རྗེ་དེ།། རྡོ་རྗེ་དངོས་པོ་གང་གིས་བྱེད།། བུམ་པས་བྱེད་དམ་པདྨས་བྱེད།། སྟེང་རས་བྱེད
216a4 དམ་འོག་རུས་བྱེད།། འདུས་པས་བྱེད་དམ་རྡོ་རྗེ་གང་།། དེ་བཞིན་ང་བདག་དངོས་པོ་ཡང་།། ལུས་ཀྱིས་བྱེད་དམ་སེམས་ཀྱིས་བྱེད།། ལུས་ཀྱིས་བྱེད་ན་ལུས་པོ་གང་།། མགོ་དང་རྐང་ལག་དབང་པོ་དང་།། དོན་སྙིང
216a5 ནང་ཁྲོལ་ཤ་ལྤགས་རུས།། རྩ་དང་བ་སྤུ་སྐྲ་སེན་གང་།། དེས་ན་ལུས་ཀྱི་དངོས་པོ་མེད།། སེམས་ཀྱིས་བྱེད་ན་གསལ་སྟོང་དང་།། འགྲུས་དྲན་འཛིན་ཆགས་དག་གིས་བྱེད།། ལུས་སེམས་དངོས་པོ་འདི་ཞེས་པ།། རྡོ་རྗེ
216a6 སེམས་དཔའ་ངས་མ་རྙེད།། མཚོན་པ་ཙམ་དུ་ང་ཞེས་བྱ།། མིང་ཙམ་འདི་ཞེས་བསྟན་པ་ནི། ཀུན་ཏུ་བཟང་པོས་བསྟན་དུ་མེད།། རྡོ་རྗེ་སེམས་དཔའ་མཚོན་དུ་མེད།། སྣང་བ་མེད་དོ་སྣང་བ་གང་།། སྣང་བ་ཡུལ
iiif viewer powered by OpenSeadragon
