| e-texts navigator |
| Wylie |
215b1 སྒོ་ང་རལ།། མཚོན་པས་ཡིན་ནོ་ཆོས་ཅན་འདི།། ལས་ཀྱིས་ཡིན་ནོ་ཆོས་བདུན་ལྡན།། འདུས་པས་ཡིན་ནོ་འབྲལ་བ་ཡིས།། མདོག་གིས་ཡིན་ནོ་ཞི་རྒྱས་ཀྱིས།། དབྱིབས་ཀྱིས་ཡིན་ནོ་དེ་བཞིན་ནོ།། བསམ་པས་ཡིན།
215b2 ནོ་ཆོས་ཅན་དངོས།། དེ་ལྟར་དགུ་ཡིས་ཡིན་པ་སྟེ།། སྣང་སྲིད་ཐམས་ཅད་རྡོ་རྗེ་ཡིན།། རྡོ་རྗེར་མ་གྱུར་གང་ཡང་མེད།། དེ་ལྟར་རྡོ་རྗེ་མཚོན་པ་འདི།། ཡིན་ན་ཡིན་པར་ཡེ་ནས་མཉམ།། མིན་ན་མིན་པར་ཡེ་ནས
215b3 མཉམ།། ཆོས་ཅན་ཡོད་ན་ཡོད་པར་ཡེ་ནས་མཉམ།། མེད་ན་མེད་པར་ཡེ་ནས་མཉམ།། བདེན་ན་བདེན་པར་ཡེ་ནས་མཉམ།། རྫུན་ན་རྫུན་པར་ཡེ་ནས་མཉམ།། སྟོང་ན་སྟོང་པར་ཡེ་ནས་མཉམ།། དངོས་ན་དངོས
215b4 པོར་ཡེ་ནས་མཉམ།། སྣང་ན་སྣང་མཉམ་མཉམ་པ་ཉིད།། མཉམ་ཉིད་ནམ་མཁའ་འདྲའོ་གུད་ན་མེད།། དཔེར་ན་གསེར་གཟུགས་ཆུ་ཡི་རོ།། དུག་མཆོག་ཧ་ལ་འབར་བ་དང་།། སྨན་མཆོག་ག་པུར་དཀར་པོ
215b5 གཉིས།། སྨན་དང་དུག་ཏུ་གཉིས་ཀ་མཉམ།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། ཆོས་ཉིད་མཉམ་པ་ཆོས་སྐུའི་ལེའུ་སྟེ་བཅུ་དྲུག་པའོ།། །། དེ་ནས་ལག་ན་རྡོ་རྗེས་འདི་སྐད་གསོལ།། ཀྱེ་ཀྱེ
215b6 རྡོ་རྗེ་སེམས་དཔའ་ཆེ།། ང་བདག་སྣང་བ་ལ་སོགས་ཡོད་དམ་མེད།། ཆོས་ཅན་སྣང་བ་བདེན་ནམ་རྫུན།། མི་དགེ་སྡང་དུ་ཡོད་དམ་མེད།། ཞེས་ཞུས་པས། རྡོ་རྗེ་སེམས་དཔས་བཀའ་སྩལ་པ།། ཉོན་ཅིག་རྡོ་རྗེ་འཛིན
iiif viewer powered by OpenSeadragon
