| e-texts navigator |
| Wylie |
215a1 མཉམ།། ང་བདག་རང་དབང་ཡོད་དམ་མེད།། ཆོས་སྐུ་དངོས་མེད་བདེན་ནམ་རྫུན།། བག་ཆགས་རོ་དང་འབྲལ་མི་འབྲལ།། ཞེས་ཞུས་པས། རྡོ་རྗེ་སེམས་དཔས་བཀའ་སྩལ་པ།། སྟོབས་ཆེན་རྡོ་རྗེའི
215a2 འཁོར་ཀུན་ཉོན།། ཆོས་ཉིད་ཆོས་སྐུའི་དགོངས་མཚན་ནི།། མཉམ་པ་ཉིད་དུ་མཁྱེན་པ་མིན།། མཉམ་པ་ཉིད་ལ་གཉིས་མེད་དེ།། དཔེར་ན་ཆོས་ཅན་དངོས་པོ་གཅིག། ཕྱི་རོལ་ཀ་བ་བུམ་པ་དང་།། དཔེར་ན་རྡོ་རྗེ་ལྟ
215a3 བུ་འདི།། མིང་གིས་ཡིན་ནམ་གཟུགས་ཀྱིས་ཡིན།། མཚོན་པས་ཡིན་ནམ་ལས་ཀྱིས་ཡིན།། འདུས་པས་ཡིན་ནམ་འབྲལ་བས་ཡིན།། མདོག་གིས་ཡིན་ནམ་དབྱིབས་ཀྱིས་ཡིན།། བསམ་པས་ཡིན་ནམ་གང་གི།
215a4 ཡིན།། རྡོ་རྗེ་འཛིན་པའི་འཁོར་ཚོགས་ཀུན།། རྡོ་རྗེའི་མིང་གིས་ཡིན་པས་ན།། མིང་དུ་གང་གྲགས་རྡོ་རྗེའམ།། གཟུགས་ཀྱིས་རྡོ་རྗེ་ཡིན་པ་ན།། གཟུགས་སུ་གང་སྣང་རྡོ་རྗེའམ།། འདུས་པས་རྡོ་རྗེ་ཡིན་པ
215a5 ན།། སེམས་ཅན་ཐམས་ཅད་རྡོ་རྗེའམ།། མདོག་གིས་རྡོ་རྗེ་ཡིན་པ་ན།། དཀར་དམར་ལ་སོགས་རྡོ་རྗེའམ།། དབྱིབས་ཀྱིས་རྡོ་རྗེ་ཡིན་པ་ན།། ཟླུམ་པོ་ལ་སོགས་རྡོ་རྗེའམ།། བསམ་པས་རྡོ་རྗེ་ཡིན་པ་ན།། ཡིད
215a6 སྨོན་ཐམས་ཅད་རྡོ་རྗེའམ།། དེ་ལྟར་རྒྱུ་ཡིས་ཡིན་པ་མིན།། རྡོ་རྗེ་བྱ་བ་གང་ལ་ཟེར།། ཉོན་ཅིག་བློ་རྟོག་སྐྱེས་པ་རྣམས།། དཔེར་ན་ཆོས་ཅན་རྡོ་རྗེ་འདི།། མིང་གིས་ཡིན་ནོ་ངེས་པར་འཇུག། གཟུགས་ཀྱིས་ཡིན་ནོ
iiif viewer powered by OpenSeadragon
