| e-texts navigator |
| Wylie |
213b1 ཧ་ཧ་ཧ་ཧ་ཧོ། བྷ་ག་བཱན། སརྦ་ཏ་ཐཱ་ག་ཏ། བཛྲ་མཱ་མེ་མུཉྩ། བཛྲཱི་བྷ་བ། མ་ཧཱ་ས་མ་ཡ། བཛྲ་སཏྭ་ཨ། ཧཱུཾ་བཛྲ་ཨ་བྷི་ཥིཉྩ་ཨ། ཨོཾ་བུདྡྷ་ཨ་བྷི་ཥིཉྩ་ཨ། སཱ་རཏྣ་ཨ་བྷི་ཥིཉྩ་ཨ། ཨཱཾ་པདྨ་ཨ་བྷི་ཥིཉྩ་ཨ། ཧཱ་ཀརྨ་ཨ་བྷི་ཥིཉྩ
213b2 ཨ། ཞེས་ཕྱག་མཚན་དུ་རིན་ཆེན་པར་བུ་དང་། གསེག་ཤང་དང་། རྡོ་རྗེ་དང་། འཁོར་ལོ་དང་། རིན་པོ་ཆེ་དང་། པདྨ་དང་། རྒྱ་གྲམ་དང་། རལ་གྲི་ལ་སོགས་པས་དབང་བསྐུར་རོ།། བདེན་པའི་ཚིགས་བཅད
213b3 འདིའོ།། ཧཱུཾ་རིན་ཆེན་པར་བུའི་བུམ་པ་ན།། རྒྱལ་བ་ཞི་ཁྲོའི་ལྷ་ཚོགས་བཞུགས།། རིགས་ཀྱི་བུ་ལ་དབང་བསྐུར་བས།། ལྷ་དབང་ལུས་ལ་ཐོབ་པར་ཤོག། ཧཱུཾ་གསེག་ཤང་སིལ་ཁྲོལ་སྒྲ་སྒྲོག་འདི།། ཐུགས་རྟགས་ཞི
213b4 ཁྲོའི་ལྷའི་བརྡའ།། རིགས་ཀྱི་བུ་ལ་དབང་བསྐུར་བས།། ཨ་བ་དྷཱ་ཏཱིའི་དབང་ཐོབ་ཤོག། རྡོ་རྗེ་འཁོར་ལོ་རིན་ཆེན་དང་།། པདྨ་རྒྱ་གྲམ་ཐུགས་ཀྱི་རྟགས།། རིགས་ཀྱི་བུ་ལ་དབང་བསྐུར་བས།། འཁོར་ལོ་ལྔ་ཡི་ལྷ
213b5 རྫོགས་ཤོག། ཅེས་སྔགས་དང་ཏིང་འཛིན་ཚིགས་བཅད་ཀྱིས།། རིག་འཛིན་དེ་ལ་དབང་བསྐུར་བས།། ལྷ་དབང་ལུས་ལ་ཐོབ་པར་གྱུར།། རང་ལུས་རྒྱལ་བའི་སྐུར་རྫོགས་ཀྱང་།། མྱ་ངན་འདས་པའི་དོན་མ
213b6 རྟོགས།། རྟོག་བཅས་ལྷ་ཡི་དབང་ཞེས་བྱ།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། ལྷ་དབང་ལུས་ལ་བསྐུར་བའི་ལེའུ་སྟེ་བཅུ་བཞི་པའོ།། །། དེ་ནས་རྡོ་རྗེ་འཛིན་པ་ཡིས།། སྣོད་ལྡན་སྐྱོབ་བུ་དེ་ལ
iiif viewer powered by OpenSeadragon
