| e-texts navigator |
| Wylie |
213a1 བ་གཅིག་པ་ཤ་སྟག་བྱུང་བར་གྱུར་ཏོ།། དགེ་བའི་ངང་ཚུལ་ལྷའི་འཕོ་ལྟུང་ལས་དུས་དེར་གྲོལ་བར་གྱུར་ཏོ།། དབང་མཆོག་རྒྱལ་པོའི་རྒྱུད་ལས། ལྷའི་བུའི་ལེའུ་སྟེ་བཅུ་གསུམ་པའོ།། །། དེ་ནས
213a2 ལས་ངན་སེམས་ཅན་དེ།། གླིང་མཆོག་འཛམ་གླིང་མི་རུ་སྐྱེས།། སྐྱེ་བ་གཅིག་པའི་བྱང་ཆུབ་སེམས།། རིག་འཛིན་གསང་སྤྱོད་རྣལ་འབྱོར་ཏེ།། སྔར་བྱས་ལས་ཀུན་དྲན་པ་ཅན།། རིག་པའི་བློ་ཅན་སྔོན་སྦྱངས
213a3 སྟོབས།། འགྱོད་སེམས་དྲག་པོས་དཀའ་ཐུབ་སྤྱོད།། འཕགས་པ་བླ་མ་མཉེས་པར་བྱེད།། གསང་བདག་ལག་ན་རྡོ་རྗེས་ཀྱང་།། ངན་སོང་སྦྱོང་བའི་རྒྱུད་དབང་བསྐུར།། བུམ་པ་ཐབས་ཤེས་གསང་ཚིག་གིས།། དབང
213a4 མཆོག་བསྒྲུབ་པ་དེ་ལ་བསྐུར།། འགྲོ་དྲུག་སྐྱེ་སྒོ་གཅད་པའི་ཕྱིར།། རང་རྒྱུད་སྦྱོང་བའི་སྔགས་བརྗོད་པ།། ཧཱུཾ་ནི་བི་ཤ་མུ་ཙ་ལ་ཙྪིནྡ་ཙྪིནྡ་ཧཱུཾ་ཕཊཿདེ་ནས་དམ་ཚིག་ཉམས་པ་གསོ་བྱའི་ཕྱིར།། བཤགས་པའི་རྒྱལ་པོ་ཡི
213a5 གེ་བརྒྱ་པ་བཤད།། ཡི་དམ་ལྷ་ནི་གསལ་བྱས་ལ།། འཕྲོ་འདུས་འགྱོད་སྦྱང་ཚར་བཅད་བྱ།། རྒྱལ་བཞི་ཁྲོ་དབང་གསོལ་ནས།། ཕྱག་འཚལ་མོས་གུས་བཤགས་བྱས་ལ།། གསང་སྔགས་འབྲུ་བརྒྱའི་བཤགས་པ
213a6 བབཤད་དོ།། ཧཱུཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ། ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་བ། སུ་ཏོཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲེ་ཡཾ་ཀུ་རུ་ཧཱུཾ་ཧཱུཾ།
iiif viewer powered by OpenSeadragon
