| e-texts navigator |
| Wylie |
20b1 སྣང་བའོ།། དུ་མར་སྣང་བའི་ཡོན་ཏན་ལ།། འཁྲུལ་པར་འགྱུར་བས་ཡོན་ཏན་སྐྱོན་དུ་འཆར།། གོང་ལྟར་རྟོགས་པས་སྐྱོན་ཉིད་ཡོན་ཏན་གྲོལ།། འོན་ཀྱང་འཁྲུལ་ལུགས་རྒྱས་པར་ངས་བསྟན་གྱིས།། འཁྲུལ་པའི་གཞི
20b2 དང་རྒྱུ་དང་དུས།། འཁྲུལ་པའི་རྐྱེན་དང་འཁྲུལ་པ་དངོས།། འབྲིང་པོ་རྣམས་ལ་ངས་བསྟན་ཉོན།། དང་པོ་འཁྲུལ་པའི་གཞི་བསྟན་པ།། དེ་ལ་ཡང་ནི་རྣམ་པ་གསུམ།། ཆོས་ཉིད་ཡུལ་གྱི་འཁྲུལ་གཞི་དང་།། རིག་པ
20b3 སེམས་ཀྱི་འཁྲུལ་གཞི་དང་།། འོད་ལྔ་ལུས་ཀྱི་འཁྲུལ་གཞི་བསྟན།། དང་པོ་ཆོས་ཉིད་རིས་མེད་སྟོང་།། བར་དུ་ཡེ་ཤེས་རྣམ་པར་ཤར།། ཐ་མར་འཛིན་རྟོག་བག་ཆགས་བསྟས།། དེ་ལ་སྙིང་པོ་མེད་བཞིན་སྣང་།། དེས
20b4 ནི་ཡུལ་གྱི་འཁྲུལ་གཞི་བསྟན།། ད་ནི་སེམས་ཀྱི་འཁྲུལ་གཞི་བཤད།། དང་པོ་རིག་པ་འགག་མེད་འགྱུས།། བར་དུ་གདངས་ལ་འཛིན་པ་སྐྱེས།། ཐ་མར་སེམས་ཀྱི་ཡིད་འགྱུས་པ།། དེ་ལས་སེམས་རྟོག་དུ་མ
20b5 ཤར།། སེམས་ཀྱི་འཁྲུལ་གཞི་དེར་བསྟན་ཏོ།། འདིས་ནི་ལུས་ཀྱི་འཁྲུལ་གཞི་བསྟན།། དང་པོ་རིག་པ་ཀློང་ནས་ཤར།། བར་དུ་ཆོས་ཉིད་ཀློང་དུ་ཤར།། ཐ་མ་དེ་ལ་བག་ཆགས་པས།། གཟུགས་ཀྱི་ཕུང་པོ་རྡོས་བཅས
20b6 སྣང་།། ལུས་ཀྱི་འཁྲུལ་གཞི་དེས་བསྟན་ཏོ།། ཀྱེ་ཀྱེ་གསང་བདག་ངེས་པར་ཟུང་།། གཞི་གསུམ་འཐད་པ་ངས་བཤད་ཀྱི།། ཆོས་ཉིད་ཡུལ་གྱི་འཁྲུལ་གཞི་འཐད།། ཅི་ཕྱིར་རིག་མེད་དེ་ལ་བེམ་པོར་སྣང་།། རིག་པ
iiif viewer powered by OpenSeadragon
