| e-texts navigator |
| Wylie |
20a1 ཚེ་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གོང་གསུངས་རྩལ་དང་རོལ་པ་དེ།། མ་རྟོགས་གཟུངས་འཛིན་འཁྲུལ་པར་སྣང་།། འཁོར་བ་རང་རྒྱུད་རོལ་པར་བྱུང་།། དེ་ཡི
20a2 འཁྲུལ་ལུགས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ལེགས་པར་ཉོན་ཅིག། གཞི་འགྱུར་བ་མེད་པར་ཡེ་ནས་སངས་རྒྱས་པ།། བཅོམ་ལྡན་འདས་རྡོ་རྗེ་འཆང་ཆེན་པོ་ཡིན་པས།།
20a3 སྔར་ཡང་འཁྲུལ་མ་མྱོང་། ད་ལྟ་ཡང་མ་འཁྲུལ། ཕྱིས་ཀྱང་འཁྲུལ་མི་སྲིད་དོ།། དཔེར་ན་ཉི་མའི་སྙིང་པོ་དེ་ལ། མུན་པའི་གཞི་མེད་པ་ལྟ་བུའམ། མན་ཤེལ་ལ་རྐྱེན་དང་གང་འཕྲད་དེ་ལ་སྣང་ཡང་། དག་པའི་སྟོབས
20a4 ཀྱིས་སྣང་མོད་ཀྱི། ཁོ་ལ་འབྱར་དང་གོས་པ་མེད།། དེ་བཞིན་དུ་ཕྱོགས་སུ་ལྷུང་བ་མེད་པའི་ཤེས་རབ་ནི།། མགོན་པོ་གཞི་ནས་རྫོགས་སངས་རྒྱས།། བག་ཆགས་འཁྲུལ་པ་ཀ་ནས་དག། མ་འཁྲུལ་པ་ཡི་སངས་རྒྱས
20a5 ལ།། འཁྲུལ་པའི་ཐ་སྙད་ག་ལ་ཡོད།། འོན་ཀྱང་དེ་ལྟར་མ་རྟོགས་ཏེ།། ཉི་མ་གཅིག་ལས་མེད་བཞིན་དུ།། ཡུལ་ཁམས་རེ་ན་ཉི་མ་རེ།། མཐོང་བའི་རྟོབས་ཀྱིས་སྣང་བ་ལྟར།། རང་རིག་གཅིག་ལས་མེད་བཞིན
20a6 དུ།། འཁོར་འདས་གཉིས་ལ་དུ་མར་སྣང་།། སྨན་དུག་ག་བུར་དབྱེར་མེད་ཀྱང་།། སྨན་དང་དུག་ཏུ་སྣང་བ་བཞིན།། གཉིས་མེད་གཞི་སྣང་ཆེན་པོ་དེ།། གཉིས་མེད་ངང་ལས་མ་གཡོས་ཀྱང་།། ཡོན་ཏན་སྟོབས་ཀྱིས
iiif viewer powered by OpenSeadragon
