| e-texts navigator |
| Wylie |
209a1 སེམས་ཅན་དོ།། དྲན་པ་སླར་ནི་རྙེད་པར་གྱུར།། སྡུག་བསྔལ་སྐབས་དེ་ཞི་བ་ལས།། རྡོ་རྗེ་སེམས་དཔས་འདི་སྐད་གསུངས།། ཞིང་ཁམས་རྒྱལ་བ་རྒྱ་མཚོ་དགོངས།། དུས་གསུམ་སངས་རྒྱས་ཐམས
209a2 ཅད་ཀྱི།། མཚམས་མེད་ཉེས་བྱས་རྣམ་སྨིན་བྱང་།། གསང་སྔགས་དམ་ཚིག་སོ་རུ་ཆུད།། མི་དགེ་ཕལ་པ་སྨོས་ཅི་དགོས།། གང་ཞིག་གནད་ཀྱིས་ཉེན་གྱུར་ཀྱང་།། སྡུག་བསྔལ་དེ་ལས་ངེས་པར་གྲོལ།། འགོ་བའི་ནད
209a3 རིམས་བྱུང་བའི་ཚེ།། བདག་ཉིད་ཡི་དམ་གསལ་བ་ཡིས།། སྙིང་པོ་འདི་བརྗོད་དེས་མི་ཚུགས།། གང་ཞིག་ངན་སྔགས་མཚོན་བརྡེག་ཀྱང་།། སྙིང་པོ་འདི་བརྗོད་རང་ལ་ལྡོག། དོན་གཉེར་ལམ་འགྲོ་འདི་བརྗོད
209a4 ན།། འཇིགས་པའི་དགྲ་ལས་ངེས་པར་གྲོལ།། གདོན་འཇིགས་བགེགས་ཀྱིས་འཚེ་བའི་ཕྱིར།། རིག་པ་འདི་བརྗོད་གདོན་དེ་འཇིལ།། སེམས་ཅན་གང་ཞིག་བུ་འདོད་ཀྱང་།། རིག་པ་འདི་ལས་རབས་དེ་ཟིན།། ཉོན
209a5 མོངས་དབུལ་ཞིང་ཕོངས་པས་ཀྱང་།། སྙིང་པོ་འདི་བརྗོད་རིན་ཆེན་རྙེད།། གང་ཞིག་འཁོར་སྡུད་འདི་བརྗོད་ན།། སྲིད་པ་གསུམ་ཡང་འཁོར་དུ་འདུ།། ཕྲིན་ལས་རྣམ་བཞི་ངེས་པར་བགྲུབ།། ཉམས་སྒྲིབ་ཐམས་ཅད
209a6 འདག་བྱེད་པའི།། ཡི་གེ་བརྒྱ་པ་བདག་གིས་བརྗོད།། ཆག་ཉམས་ཐམས་ཅད་འདི་ཡིས་བསྐངས།། ཞེས་སྨྲས་ཏེ།། ངན་སོང་དོང་ནས་སྤྲུགས་པ་འདི་བརྗོད་དོ།། ཨོཾ་ཨཱཿཧཱུཾ་སྭཱ་ཧཱ། ཨོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ།།
iiif viewer powered by OpenSeadragon
