| e-texts navigator |
| Wylie |
208b1 གསུམ་རྒྱལ་བ་ཀུན་གྱིས་བསྒྲུབས་པ་ཡི།། ཚོགས་གཉིས་རྫོགས་ནས་ཡོན་ཏན་མཐར་ཕྱིན་པའི།། སྐུ་དང་ཡེ་ཤེས་ཚོགས་ལ་ཕྱག་འཚལ་ལོ།། འབྱུང་བ་ལྔ་ལ་མངའ་བརྙེས་པ།། རྟག་པའི་རྒྱལ་མོ་ལྔ་ལ་ཕྱག་འཚལ
208b2 ལོ།། རང་བཞིན་དབྱིངས་ནས་གྲུབ་པ་མོ།། དབྱིངས་ཕྱུག་ལྔ་ལ་ཕྱག་འཚལ་ལོ།། རྒྱུ་འབྲས་བྱང་ཆུབ་སེམས་དཔའི་སྤྲུལ་པ་སྟེ།། མཁའ་འགྲོ་སུམ་ཅུ་གཉིས་ལ་ཕྱག་འཚལ་ལོ།། ག་ཎ་པ་ཏིའི་སྤྲུལ་པ་སྟེ།། གིང་པོ
208b3 རྣམས་ལ་ཕྱག་འཚལ་ལོ།། ལྷ་མོ་དཔལ་མོའི་སྤྲུལ་པ་སྟེ།། གིང་མོ་རྣམས་ལ་ཕྱག་འཚལ་ལོ།། འཇིག་རྟེན་ཁམས་ལ་མངའ་མཛད་མ།། འཇིགས་བྱེད་དཔལ་འབར་རལ་པ་ཅན།། འདོད་པའི་རོ་ལ་ཆགས་པ་མོ།། མ
208b4 མོའི་ཚོགས་ལ་ཕྱག་འཚལ་ལོ།། ལེགས་ཉེས་ལྟང་འཛིན་དམ་ཚིག་རྗེས་གཅོད་ཅིང་།། བཀའ་བཞིན་སྒྲུབ་པའི་གྲོགས་མཛད་པ།། དམ་ཅན་རྒྱ་མཚོའི་ཚོགས་ལ་ཕྱག་འཚལ་ལོ།། ཞེས་གསུངས་སོ།། དབང་མཆོག
208b5 རྒྱལ་པོའི་རྒྱུད་ལས། ནོངས་པ་དཔང་གསོལ་ཕྱག་གི་སྐབས་ལས། དཀྱིལ་འཁོར་འདུས་པའི་ལེའུ་སྟེ་བདུན་པའོ།། །། བཀའ་སྩལ་པ། གང་གིས་སྒྱུ་འཕྲུལ་ཁྲོ་བོ་ཡི།། དཀྱིལ་འཁོར་ལྷ་ལ་ཕྱག་འཚལ
208b6 ན།། ཉམས་ཆག་ཀུན་ཀྱང་བྱུང་འགྱུར་ཏེ།། མཚམས་མེད་ལྔ་ཡི་སྡིག་ཀྱང་བྱུང་།། ན་རག་གནས་ཀྱང་དོང་སྤྲུགས་ཏེ།། རིག་འཛིན་རྒྱལ་བའི་ཞིང་དུ་གྲགས།། དེ་སྐད་ཅེས་བསྒྲགས་པ་དང་།། དམྱལ་བའི་གནས་ཀྱི
iiif viewer powered by OpenSeadragon
