| e-texts navigator |
| Wylie |
208a1 ཚོགས་བཛྲ་ཨ་རལླི།། མཁའ་ལ་ཤུགས་འགྲོ་མ་ཚོགས་དབང་ཕྱུག་མ།། རྣལ་འབྱོར་ཉི་ཤུ་བརྒྱད་ལ་ཕྱག་འཚལ་ལོ།། ཕྱོགས་བཅུའི་དྲེག་པ་བསྣོལ་བའི་གདན་སྟེང་ན།། ཡེ་ཤེས་བསྐལ་པ་མེ་དཔུང
208a2 འབར་བའི་ཀློང་།། བདུད་འདུལ་ཁྲོ་བོའི་སྐུ་ལ་ཕྱག་འཚལ་ལོ།། ཁྲོ་རྒྱལ་སྐུ་ལ་གཉིས་མེད་ཚུལ་འཁྲིལ་མ།། ཕ་རོལ་ཕྱིན་བཅུ་ས་ལམ་དགེ་རྫོགས་མ།། འཇིགས་བྱེད་རྔམ་པའི་ཁྲོ་མོ་བཅུ་ལ་ཕྱག་འཚལ
208a3 ལོ།། དམིགས་མེད་ཐབས་ཀྱི་ཁྲོ་བོའི་སྐུ་གཟུགས་སྟོན།། སྐུ་མདོག་ཕྱག་མཚན་ཅིང་ཡང་སྤྲུལ་ཞིང་བསྒྱུར།། རོལ་པ་ཁྲག་འཐུང་རྣམས་ལ་ཕྱག་འཚལ་ལོ།། ཞེས་གསུངས་སོ།། དབང་མཆོག་རྒྱལ་པོའི་རྒྱུད
208a4 ལས། ཐབས་མཆོག་ཁྲོ་བོའི་ལེའུ་སྟེ་དྲུག་པའོ།། །། ཡང་བཀའ་སྩལ་པ། ལས་ངན་སེམས་ཅན་ཁྱོད། ལུས་ངག་ཡིད་གསུམ་བརྩོན་འགྲུས་ཕྱུང་།། དཀྱིལ་འཁོར་ལྷ་རྣམས་དཔང་གསོལ་ལ།། གུས་པས་དཀྱིལ
208a5 འཁོར་ལྷ་ལ་མཐོལ།། དམིགས་མེད་ཆོས་ཀྱི་སྐུ་ལ་ཕྱག་འཚལ་ལོ།། ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ།། ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོ།། མི་འགྱུར་རྡོ་རྗེའི་སྐུ་ལ་ཕྱག་འཚལ་ལོ།། མངོན་པར
208a6 བྱང་ཆུབ་སྐུ་ལ་ཕྱག་འཚལ་ལོ།། ཐབས་མཆོག་འཇམ་དཔལ་དམར་ནག་སྐུ་ལ་ཕྱག་འཚལ་ལོ།། སྐྱོན་མེད་སྒྲ་སྒྲོག་པདྨའི་གསུང་ལ་ཕྱག་འཚལ་ལོ།། ཉེས་པའི་ནད་སེལ་བདུད་རྩི་སྨན་ལ་ཕྱག་འཚལ་ལོ།། དུས
iiif viewer powered by OpenSeadragon
