| e-texts navigator |
| Wylie |
207b1 བརྩོན་འགྲུས་ཕྱུངས་ཤིག་ལས་ངན་སེམས་ཅན་ཁྱོད།། འདི་རྣམས་དབང་དུ་གསོལ་ལ་ཕྱག། ཚིག་གསལ་ལུས་གུས་མོས་པས་འཚོལ།། སྒྱུ་འཕྲུལ་ཆེན་པོའི་དཀྱིལ་འཁོར་ནི།། ཞི་བ་ཆོས་ཉིད་ངང་ལས་མ་གཡོས
207b2 ཀྱང་།། ཕྲིན་ལས་མཐར་ཕྱིན་ཐབས་མཆོག་ཁྲོ་བོའི་ཚུལ།། འབར་བ་ཁྲོ་བོའི་ཚོགས་ལ་ཕྱག་འཚལ་ལོ།། ཧོ་རང་རིག་ཐབས་ཀྱི་རྒྱལ་པོ་མཆོག། སངས་རྒྱས་སྤྱི་དཔལ་ཁྲོ་བོའི་རྗེ།། ཆེ་མཆོག་ཧེ་རུ་ཀ་ལ་ཕྱག་འཚལ
207b3 ལོ།། འཇིག་རྟེན་འདས་པའི་དུས་ན་མངོན་འབྱུང་བ།། གདུག་པ་འདུལ་ཕྱིར་དུས་ལས་མི་མདའ་བའི།། དཔའ་ཆེན་ཧེ་རུ་ཀ་ལ་ཕྱག་འཚལ་ལོ།། རང་བཞིན་དག་པའི་དབྱིངས་ཉིད་ལས།། དཔལ་འབར་རྔམ་པའི་ཆ
207b4 ལུགས་ཅན།། ཁྲོ་མོ་གནམ་ཞལ་མ་ལ་ཕྱག་འཚལ་ལོ།། ཁྲོ་མོ་དབང་ཕྱུག་སྐུ་ལ་འཁྲིལ་མཛད་ཅིང་།། མཁའ་འགྲོ་མི་བཟད་འབར་བའི་སྤྲིན་འཕྲོ་མ།། གདུག་པ་འདུལ་མཛད་ཁྲོ་མོ་རྣམས་ལ་ཕྱག་འཚལ་ལོ།། བསྐལ
207b5 པ་མེ་ལྟར་འབར་བའི་དཀྱིལ་འཁོར་ན།། ཡེ་ཤེས་སྐུ་མཆོག་འཇིགས་བྱེད་རྒྱན་གྱིས་བཞུགས།། ཁྲོ་མོ་ཆེན་མོ་བརྒྱད་ལ་ཕྱག་འཚལ་ལོ།། ནམ་མཁའི་ལུས་ཅན་གར་ཡང་ཐོགས་མེད་ཅིང་།། འདོད་དགུར་བསྒྱུར་བའི
207b6 གཟུགས་ཅན་འཕྲུལ་པ་མོ།། ཕྲ་མེན་ཆེན་མོ་བརྒྱད་ལ་ཕྱག་འཚལ་ལོ།། རྡོ་རྗེ་གདོང་མོ་ཕོ་ཉ་མགྱོག་མ་བཞི།། ཤར་ལྷོ་ནུབ་བྱང་སྒོ་བཞི་ཐུབ་པར་སྲུང་།། སྒོ་སྐྱོང་ཁྲོ་མོ་བཞི་ལ་ཕྱག་འཚལ་ལོ།། དཔལ་གྱི་འཁོར
iiif viewer powered by OpenSeadragon
