| e-texts navigator |
| Wylie |
207a1 ལོ།། རྣམ་ཤེས་དབང་པོ་དག་པའི་ཐུགས་དང་གསུང་།། བདེ་བར་གཤེགས་པ་ཀུན་གྱི་སྲས་མཆོག་སྟེ།། སེམས་དཔའ་ཆེན་པོ་བརྒྱད་ལ་ཕྱག་འཚལ་ལོ།། སྒེག་མོ་ཕྲེང་ཐོགས་རིན་ཆེན་གླུ་གར
207a2 ཅན།། མཁའ་མཉམ་མཆོད་པས་རྒྱལ་བ་རྒྱ་མཚོ་མཆོད།། བྱང་ཆུབ་ལྷ་མོའི་ཚོགས་ལ་ཕྱག་ཚལ་ལོ།། མེ་ཏོག་བདུག་པ་མར་མེ་དྲི་ཆབ་ཀྱིས།། རྒྱལ་བ་རྒྱ་མཚོ་རྣམས་ལ་འཚོད་འབུལ་མ།། མཆོད་པའི་ལྷ་མོ་རྣམས་ལ
207a3 ཕྱག་འཚལ་ལོ།། དྲག་ཤུལ་ཐབས་ཀྱིས་འགྲོ་བ་འདུལ་མཛད་པ།། ཚད་མེད་བཞི་ལྡན་སྒོ་བཞི་ཐུབ་པར་སྲུང་།། ཏ་ཀྲྀཏ་སྒོ་བ་བཞི་ལ་ཕྱག་འཚལ་ལོ།། རྟག་ཆད་མཐར་ཕྱིན་གསང་བ་ཡུམ་གྱི་ངང་།། ལྕགས་ཀྱུ་ཞགས
207a4 པ་ལྕགས་སྒྲོག་དྲིལ་བུ་མ།། རྡོ་རྗེ་སྒོ་མ་བཞི་ལ་ཕྱག་འཚལ་ལོ།། སྟེང་འོག་ཕྱོགས་བཞིའི་འཇིག་རྟེན་འདུལ་བའི་གཙོ།། ཉོན་མོངས་དྲུག་འཇོམས་རྒྱུད་དྲུག་དག་པར་སྦྱོང་།། བཅོམ་ལྡན་ཐུབ་པ་དྲུག་ལ་ཕྱག་འཚལ
207a5 ལོ།། གསལ་འཚེར་ལྷུན་སྡུག་གཟི་བརྗིད་འོད་ཟེར་འཕྲོ།། མཉེན་ལྕགས་འཁྲིམ་ལྡེམ་གཞོན་ཚུལ་ཞི་བའི་ཚོགས།། རྒྱལ་བ་བཞི་བཅུ་གཉིས་ལ་ཕྱག་འཚལ་ལོ།། དེ་ལྟར་གུས་པས་ཕྱག་འཚོལ་ཞིག། རང་བཞིན་སྐུ
207a6 འཕྲུལ་ལྷ་ཚོགས་ལ།། གང་ཞིག་གུས་པས་ཕྱག་བཙལ་ན།། ཉམས་ཆག་ཀུན་ཀྱང་བྱང་བར་འགྱུར།། ཞེས་གསུངས་སོ།། དབང་མཆོག་རྒྱལ་པོའི་རྒྱུད་ལས། ཞི་བའི་ལེའུ་སྟེ་ལྔ་པའོ།། །། ཡང་བཀའ་སྩལ་པ།།
iiif viewer powered by OpenSeadragon
