| e-texts navigator |
| Wylie |
206b1 ཅེས་བསྒྲགས་སོ།། ན་ར་ཀ་བྷཱུ་ཏ་ཙཀྵུ་པྲ་བཻ་ཤ་ཡ་ཨ་ཨ་ཞེས་བསྒྲགས་པས། དེ་ནས་ལས་ངན་སེམས་ཅན་དེས།། སྔོན་གྱི་ལས་ངན་དྲན་གྱུར་ཏེ།། སྡུག་བསྔལ་གནོང་ནས་འགྱོད་པ་སྐྱེས།། རྡོ་རྗེ་གཉིས་ལ་ངོ་སྐད
206b2 དེ།། ཀྱེ་མ་ཀྱེ་ཧུད་ཀྱི་ཧུད་ནོངས།། འགྲོ་མགོན་ཐུགས་རྗེས་བདག་སྐྱོབས་ཤིག། ཐབས་མཆོག་རྒྱལ་པོ་བསྒྲག་ཏུ་གསོལ།། སླད་ནས་མི་འཆབ་མི་བགྱིད་དོ།། ཞེས་སྨྲེ་སྔགས་ཕྱུང་བ་ལས། དེ་ནས་སངས་རྒྱས་རྡོ་རྗེ
206b3 སེམས་དཔས་སེམས་ཅན་ལས་ངན་དེའི་རྣ་ལམ་དུ་འགྱོད་ཚངས་ཀྱི་རྒྱལ་པོ་ན་རག་དོང་སྤུག་འདི་བཀའ་སྩལ་པ། ཉོན་ཅིག་ལས་ངན་སེམས་ཅན་ཁྱོད།། འགྱོད་སེམས་ཕྱུང་ལ་ཡིད་གཏོད་ཅིག། ངག་སྒོ་གསལ
206b4 བརྗོད་བརྐྱང་ཕྱག་འཚོལ།། ཞེས་གསུངས་ནས་འདི་བརྗོད་དོ།། དུས་གསུམ་འཇིག་རྟེན་རབ་འབྱམས་ཀྱི།། རྒྱལ་བ་རྒྱ་མཚོ་རྣམས་ལ་ཕྱག་འཚལ་ལོ།། ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང་།། བྱ་བ་བྱེད་དང
206b5 ཡིད་ཆོས་རྣམ་པར་དག། ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོ།། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་།། གཟུགས་སྐུ་འཇའ་ཚོན་བཞིན་དུ་སོ་སོར་གསལ།། ཐབས་དང་ཤེས་རབ་མཆོག་ལ་མངའ
206b6 བརྙེས་པ།། རིགས་ལྔ་བདེ་བར་གཤེགས་ལ་ཕྱག་འཚལ་ལོ།། ངོ་མཚར་ཕོ་བྲང་བདེ་བར་གཤེགས་པའི་ཡུམ།། དུས་གསུམ་རྒྱལ་བ་ཐམས་ཅད་བསྐྱེད་མཛད་མ།། རིགས་ལྔའི་ཡུམ་གྱུར་རྣམས་ལ་ཕྱག་འཚལ
iiif viewer powered by OpenSeadragon
