| e-texts navigator |
| Wylie |
206a1 བསྲུང་དང་བསྲུང་དུ་མེད།། ཡན་ལག་ཉི་ཤུ་རྩ་ལྔ་ཡང་།། རྩ་བའི་དམ་ཚིག་གསུམ་དུ་འདུས།། ལུས་ངག་ཡིད་གསུམ་བག་ཡོད་བྱ།། ཆག་ཉམས་ཐམས་ཅད་གསུམ་ལས་བྱུང་།། སྐུ་གསུང་ཐུགས་ཀྱི
206a2 ལུས་ངག་ཡིད།། བྱིན་བརླབ་བཤགས་སྦྱང་སྤང་བསྒྲུབ་དང་།། རང་འཁྲུངས་རྡོ་རྗེ་གསེར་ཉིད་དོ།། ཡིད་ཀྱི་སྒོ་ནས་ཆག་ཉམས་བྱུང་།། ཐུགས་ཀྱི་ལྟ་བས་བཤགས་པར་བྱ།། ལྟ་བ་ལོག་པ་ཉམས་པ་ཆེ།། ཡིན་པ་མེད
206a3 པ་ལྟ་བའི་མཆོག། ཡིད་ཀྱི་བཤགས་ཐབས་ཆེན་པོ་ཡིན།། ལུས་ཀྱི་སྒོ་ནས་ཆག་ཉམས་ན།། ཕྱག་རྒྱ་སྐུ་ཡི་བསྒོམས་པས་བཤགས།། ཕྱོགས་སུ་འཛིན་པ་ཉམས་པ་ཆེ།། ཡེངས་པ་མེད་པ་སྒོམ་པའི་མཆོག། དེ་ནི་ལུས
206a4 ཀྱི་བཤགས་ཐབས་ཡིན།། ངག་གི་སྒོ་ནས་ཆག་ཉམས་ན།། སྔགས་དང་འདོན་བརྗོད་སྤྱོད་པས་བཤགས།། ཚུལ་འཆོས་སྤང་བླང་ཉམས་པ་ཆེ།། ཡིན་མིན་མེད་པ་སྤྱོད་པའི་མཆོག། མཛད་སྤྱོད་དག་གི
206a5 ཤགས་ཐབས་ཡིན།། དེ་ལྟར་དམ་ཚིག་གསུམ་བཤགས་ན།། ཉི་ཤུ་རྩ་ལྔ་མ་བྱུང་མ་སྐྱེས་ཏེ།། ཡན་ལག་དམ་ཚིག་བཤགས་སུ་མེད།། ཅི་སྟེ་བསྲང་བྱ་སྲང་བྱེད་མེད།། སྐྱེ་མེད་དམ་ཚིག་ཤེས་པར་གྱིས།། ཞེས
206a6 གསུངས་སོ།། དབང་མཆོག་རྒྱལ་པོའི་རྒྱུད་ལས། དམ་ཚིག་མཚོན་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་དང་ལག་ན་རྡོ་རྗེ་སྲུལ་པོ་དེའི་གམ་དུ་བྱོན་ནས་མནར་མེད་ཉམ་ཟག་དེ་ལ་འདི་སྐད
iiif viewer powered by OpenSeadragon
