| e-texts navigator |
| Wylie |
205b1 བཞིན་དུ་ལེགས་པར་སོས།། དེ་བཞིན་གསང་སྔགས་དམ་ཚིག་གི།། ཉམས་ཆག་བྱུང་ཡང་གསོ་ཐབས་ཡོད།། སྦྲང་ཐབས་ཡངས་སོ་ཐབས་སྒོ་མང་།། རྣལ་འབྱོར་སྤྱི་ཁྲུས་ངན་སོང་དོང་སྤྲུག་བརྗོད།། དབང་མཆོག
205b2 རྒྱུད་དྲུག་སྐྱེ་སྒོ་ཆོད།། ཡུལ་མེད་སྒྲོ་འདོགས་གཉིས་མེད་ཆོད།། ཅེས་ལུང་བསྟན་ནོ།། རྡོ་རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལས། ཉམས་པ་གསོ་ཐབས་ལུང་བསྟན་པའི་ལེའུ་སྟེ་གསུམ
205b3 པའོ།། །། དེ་ནས་རྡོ་རྗེ་སེམས་དཔའ་དང་།། ལག་ན་རྡོ་རྗེ་འཛིན་པ་ཡིས།། སངས་རྒྱས་སྟོང་ལ་འདི་སྐད་གསོལ།། ཀྱེ་ཀྱེ་རྒྱལ་བ་རྒྱ་མཚོའི་ཚོགས།། གསང་སྔགས་བླ་མེད་རྡོ་རྗེ་ལ།། དམ་ཚིག་བསྡུས་རྒྱས་ཇི
205b4 ལྟར་ལགས།། བསྲུང་སྡོམ་ཉམས་པ་ཇི་ལྟར་བསྐང་།། ཞེས་མཁྱེན་བཞིན་དུ་ཞུས་སོ།། རྒྱལ་བ་འདུས་པས་བཀའ་སྩལ་པ། རྡོ་རྗེ་སེམས་དཔའ་རྡོ་རྗེ་འཛིན།། གསང་སྔགས་འབྲས་བུའི་ཐེག་པ་ལ།། དམ་ཚིག་རྩ་བ
205b5 རྣམ་པ་གསུམ།། སྒྲ་དང་གསུང་དང་ཐུགས་གསུམ་མོ།། ཡན་ལག་དམ་ཚིག་ཉི་ཤུ་ལྔ།། མི་སྤང་ལྔ་དང་བླང་བ་ལྔ།། ཤེས་པར་བྱ་བ་ལྔ་དང་ནི།། སྤྱད་བྱ་ལྔ་དང་བསྒྲུབ་བྱ་ལྔ།། གཞན་ཡང་ཉིང་ལག་བསམ་ལས
205b6 འདས།། འབུམ་སྡེ་ལ་སོགས་དམ་ཚིག་ཀྱང་།། རྩ་བ་ཡན་ལག་ཤེས་པར་བྱ།། བསྙེན་བསྒྲུབ་རྣམ་བཞིའི་སྒོར་ཞུགས་པས།། དམ་ཚིག་དེ་དག་བསྲུང་བར་བྱ།། སློབ་དཔོན་ཡི་དམ་སློབ་མ་མཆེད།། ལེགས་པར
iiif viewer powered by OpenSeadragon
