| e-texts navigator |
| Wylie |
204a1 སྐྱེས།། བླ་མ་བྲམ་ཟེ་སྒྲུབ་པ་ལ།། མཁའ་འགྲོའི་ཚོགས་ཀྱིས་བརྡའ་བསྟན་པ།། རྣལ་འབྱོར་གསེར་སྣོད་དུག་གཡོས་པ།། དུག་ཅན་སྣོད་ལ་འབྲོས་པར་འོས།། ཉེས་སྐྱོན་ལུས་སེམས་འབྲལ་བར
204a2 ངེས།། ཞེས་བྱའི་དམ་ཚིག་བརྡའ་གཏོང་བྱས།། རྣལ་འབྱོར་པ་ནི་བསྒོམ་ལ་བཞུགས།། དེ་ནས་རྒྱལ་བུས་བྲམ་ཟེ་བོས།། མྱོས་ཆང་བླུད་ནས་རྔན་བྱས་པ།། དབང་པོའི་དངས་མ་མིག་ལ་ཡང་།། ལྕགས་ཀྱི་ཐུར་མ་ཕྲ
204a3 མོས་གཙག། ཚིག་སྒོ་གསལ་བྱེད་ལྕེ་ཡང་ནི།། ལྕགས་ཀྱུས་དྲངས་ཏེ་སྤུ་གྲིས་བཅད།། ལུས་ནི་རུས་སྦལ་ཁྲག་གིས་བྱུགས།། བཙོག་ལ་སྨེ་བའི་བུད་མེད་ཀྱིས།། ལུས་ལ་བརྫི་བཅག་མཉེ་བར་བྱས།། རྐང་པའི་སྐྱིད་པ
204a4 མཚོན་གྱིས་བཅད།། ལག་པའི་སྲན་ཚོ་དེ་བཞིན་བྲེག། དེ་ལྟ་རྔན་བྱས་བཞག་པ་ན།། བྲམ་ཟེ་དྲན་པ་སངས་པ་ལས།། མིག་མེད་སྨྲ་རུ་ལྕེ་ཡང་མེད།། འགྲོ་བའི་རྐང་མེད་ལུས་སྟོབས་བྲལ།། འགུལ་བའི་སྟོབས་མེད
204a5 བུད་མེད་བརྫིས།། རུས་སྦལ་ཁྲག་བྱུགས་ཆུ་བུར་དང་།། རྐང་པ་ལ་སོགས་ནད་རྣམས་བྱུང་།། དྲན་པ་རང་ཡང་རབ་རིབ་འདུག། རྟབས་ཏེ་བྲམ་ཟེ་བསམ་པ་ལ།། འདི་ལྟར་བདག་ལ་འདི་བྱུང་བ།། སྔ་མའི་ལས་ཀྱི
204a6 རྣམ་སྨིན་ནམ།། འོན་ཏེ་གཞན་གྱི་ཕྲག་དོག་གམ།། མཉམ་པར་བཞག་སྟེ་བལྟས་པ་ལས།། རང་གི་རྒྱལ་བུས་རྔན་བྱས་མཐོང་།། དེ་ནས་བྲམ་ཟེ་དམོད་པ་བོར།། ཀྱེ་མ་ཀྱེ་ཧུད་རྒྱལ་བུ་ཁྱོད།། ལོ་དང་ཟླ་བར
iiif viewer powered by OpenSeadragon
