| e-texts navigator |
| Wylie |
203a1 མ། བོད་སྐད་དུ།། རྡོ་རྗེ་སེམས་དཔའ་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ཅེས་བྱ་བ་བཅོམ་ལྡན་འདས་དཔལ་རྡོ་རྗེ་འཆང་ཆེན་པོ་ལ་ཕྱག་ཚལ་ལོ།། འདི་སྐད་བདག་གིས་ཐོས་པའི་དུས་གཅིག
203a2 ན། དེ་བཞིན་གཤེགས་པ་ཐམས་ཅད་འོག་མིན་རྡོ་རྗེའི་གནས་ཀྱི་དང་པོ་ན་བཞུགས་ཏེ། ཐུགས་རྡོ་རྗེ་བྱམས་པས་འགྲོ་བ་རྣམས་ལ་གཟིགས་པ་དང་། བྱང་ཆུབ་ཀྱི་མྱུ་གུ་བསྐམས་པའི་སེམས་ཅན་རྣམས་གཟིགས་ཏེ།
203a3 དེའི་ཚེ་དེའི་དུས་ན། ཕྱོགས་བཅུ་ཀུན་ནས་རྒྱལ་བ་འདུས།། བཀའ་བགྲོས་ཐུགས་རྗེའི་དོན་བསྒོ་བ།། རྡོ་རྗེ་སེམས་དཔའ་རྡོ་རྗེ་འཛིན།། འཇིག་རྟེན་འདོད་ཁམས་དམ་ཚིག་སྐྱོན།། ཉེས་བྱས་རྣམ་སྨིན་རྒྱུ་ལས
203a4 བཟློག། དེའི་གཉེན་པོ་ཁྱོད་ཉིད་ཡིན།། ཅེས་བསྒོའོ།། རྡོ་རྗེ་འཆང་བ་རྡོ་རྗེ་འཛིན།། ཉིད་དང་སྤྲུལ་པས་འདི་སྐད་གསུངས།། དུས་ལ་བབ་བམ་དེ་བཞིན་བགྱི།། ཉེས་བྱས་རྣམ་སྨིན་སྤྱད་པ་ནི།། ངན་སོང་ན་རག
203a5 གནས་ནས་དྲངས།། དེ་ནས་སྟོན་པ་ཀུན་བཟང་དང་།། ཀུན་རིག་རྣམ་པར་སྣང་མཛད་རྣམས།། མི་གཡོ་མཉམ་པའི་ངང་ལ་བཞུགས།། ཕྱོགས་བཅུའི་ཞིང་ཁམས་དེ་བཞིན་ནོ།། དེ་ནས་སྟོན་པ་རྡོ་རྗེ་སེམས།། གནས
203a6 ཀྱི་དང་པོ་འོག་མིན་དུ།། ལག་ན་རྡོ་རྗེ་རྒྱལ་སྲས་འཁོར།། འཁོར་བ་ཟུགས་རྗེ་བཟུང་བའི་དུས།། འཁོར་བ་དོང་སྤུག་འགྱོད་ཚངས་གསུངས།། རྒྱུད་མཆོག་རྡོ་རྗེ་བརྒྱ་པ་དང་།། དབང་མཆོག་རྒྱལ་པོའི་རྒྱུད་འདི
iiif viewer powered by OpenSeadragon
