| e-texts navigator |
| Wylie |
202b1 ལེན།། སྤྱོད་པ་བབ་ཆོལ་གླིང་ཀུན་ཐོ་ཅོས་འགེངས།། མན་ངག་གྲོང་བསྐོར་རྣ་བ་རྫུན་གྱིས་འགེངས།། རྣལ་འབྱོར་ཟས་ནོར་འདོད་ཕྱིར་སྲང་ཁར་སྦྱང་སྟེ་རྒྱུ།། རི་ཁྲོད་འགྲིམས་པའི་ལད་མོ་གྲོང་རྒྱུའི་རྣལ་འབྱོར
202b2 བྱེད།། བརྟུལ་ཞུགས་གསང་སྔགས་མེད་པར་སྤྱོད་པ་ཐོ་ཅོས་སྒྲ་སྐད་འགེངས།། དེ་ལྟར་བྱས་པས་ཚེ་ཐུང་ནད་ཀྱང་མང་།། མི་ཐུབ་དྲུག་པོ་འབྱུང་བའི་དུས།། བདེ་གཤེགས་བྱིན་རླབས་མི་ཐུབ་དུས།། འབྱུང་བ་ས
202b3 ཡིས་གསེར་མི་ཐུབ།། མཁའ་འགྲོས་བཅོལ་བའི་གཏེར་མི་ཐུབ།། སྐྱེ་འགྲོས་གཏད་པའི་བློ་མི་ཐུབ།། ཉན་ཐོས་འདུལ་བའི་ཁྲིམས་མི་ཐུབ།། བཙུན་མས་རང་གི་ལུས་མི་ཐུབ།། བཙུན་པས་མདའ་རྒྱག་བྱེད
202b4 པའི་དུས།། ཕ་སྤུན་ནང་རྒྱས་བྱེད་པའི་དུས།། ཕྱི་ཡི་སོ་ཁ་ནང་དུ་ཟུག། ལན་གཅིག་དེ་ལྟ་བུ་ཡི་དུས་གཅིག་མཆི།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི
202b5 རྒྱུད་ཆེན། རྫོགས་པ་ཆེན་པོ་ཡང་ཏི། ཨུ་རྒྱན་གུ་རུ་པདྨ་དང་།། ལོཙྪ་བ་སྐ་བ་དཔལ་བརྩེགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། པདྨ་གསལ་བའི་བྲག་ཕུག་ནང་དུ་སྦས། མངའ་བདག་ཉིང་རལ
202b6 པ་ཅན་དང་སྐེ་མོ་ཞུ་ཡས་གནོད་སྦྱིན་འབར་གྱིས་བཏོན། གཏེར་རྒྱ། གསང་རྒྱ། གཏད་རྒྱ། ཟབ་རྒྱ། རྒྱ་རྒྱ་རྒྱ། གསང་ངོ་། ཟབ་བོ།། ། རྒྱ་གར་སྐད་དུ།། བཛྲ་ས་ཏྭ་ཤ་ཏ་ཨ་ཀྵ་ར་ཀ་ཨ་བྷི་ཥེ་ཀོཏྟ་མ་རཱ་ཛ་ཏནྟྲ་ནཱ
iiif viewer powered by OpenSeadragon
