| e-texts navigator |
| Wylie |
202a1 གཏོང་།། རིན་ཆེན་ལ་སོགས་ཟང་ཟིང་ནོར།། ཆགས་མེད་སེར་སྣ་མེད་པར་གཏོང་།། དེ་ལ་ཡང་ཏིའི་རྒྱུད་འདི་གཏད།། རང་རྒྱུད་ངན་ལ་གྲོགས་མཆེད་བསླུ།། དམ་ཚིག་མེད་ལ་བརྩེ་གདུང་ཆུང་།། ཆེ
202a2 དགའ་སྡིག་སྤྱོད་ཆགས་སེམས་ཅན།། གཡོ་སྒྱུ་ཁྲེལ་མེད་ཐབས་ཀྱིས་བསླུ།། ལོགས་ལྟ་བྱེད་ཅིང་སྒྲོ་སྐུར་འདེབས།། སློབ་དཔོན་གསང་ནས་རང་ཆེ་འབྱིན།། གཡོ་དང་ཐབས་ཀྱིས་མན་ངག་འབྲིད།། ལག་ཏུ་ཐོབ།
202a3 ནས་ཟོང་དུ་འཚོང་།། དེ་ལྟ་བུ་ཡི་སྣོད་ངན་ལ།། ཡུལ་མཁར་སྟེར་ཀྱང་མི་སྦྱིན་ནོ།། དེ་ལྟ་བུ་ལ་བྱིན་གྱུར་ན།། གཉིས་བསྡོང་གཡང་ལ་ལྷུང་བ་བཞིན།། གཉིས་ཀ་རྡོ་རྗེ་དམྱལ་བར་འགྲོ།། ཞེས་གསུངས་སོ།། རྒྱུད་ཀྱི
202a4 རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། རྒྱུད་གཏད་པ་དང་སྣོད་ཀྱི་ཁྱད་པར་བསྟན་པའི་ལེའུ་སྟེ་ཉེར་བཞི་པའོ།། །། གུ་རུ་ལ་བསྟན་པ་འབྱུང་བའི་དུས་ཇི་ཙམ་ན
202a5 ལགས། ཞུས་པས། ང་ཡི་ཡང་སྙིང་ཉི་ཟླ་འདི། སྐུ་དང་གསུང་གི་བསྟན་པ་ནུབ།། གསང་སྔགས་ཐུགས་ཀྱི་བསྟན་པ་དར།། ལྔ་བརྒྱ་དུས་ཀྱི་ཐ་མ་ལ།། དུས་ངན་ཟེར་ཞིང་སྤྱོད་ངན་བྱེད།། རྒྱ་བོད་བྱེ་ཞིང་རྒྱལ་ཁྲིམས
202a6 འཇིག། ཆོས་སུ་རྫོགས་ཆེན་དར། བནྡེ་རྣལ་འབྱོར་དར། གོས་སུ་རེ་ཐུལ་ཁྱི་ཐུལ་དར་ལ་ལག་ཆ་དབྱུག་པ་མི་མགོ་དར།། ད་ལྟ་སངས་རྒྱས་ཡིན་ཟེར་ཉོན་མོངས་ཁ་མ་བྲི།། ཟོངས་སུ་ཆོས་འཚོང་ཉམས་མྱོང་གླུ་རུ
iiif viewer powered by OpenSeadragon
