| e-texts navigator |
| Wylie |
201b1 མཐའ་རུ།། ཡེ་ཤེས་རྒྱུན་དུ་གནས་པའི་ཕྱིར།། སྙིང་པོ་རྒྱུན་ཆད་མེད་པའི་རྒྱུད།། སྔོན་ཐོག་དུས་ནས་ཐ་མ་རུ།། སྐྱེ་མེད་རྒྱུན་དུ་གནས་པའི་ཕྱིར།། སྐྱེ་མེད་ཀ་དག་སྙིང་པོའི་རྒྱུད།། གཞི་རླུང་དུས་ནས་ད་ལྷའི
201b2 བར།། འོད་གསལ་རྒྱུན་དུ་གནས་པ་ཡིས།། སྣང་གསལ་འོད་འབར་གསལ་དག་རྒྱུད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། རྒྱུད་ཀྱི་མཚན
201b3 བཤད་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། རྒྱུད་འདི་བསྟན་པའི་སྐལ་ལྡན་ཇི་ལྟ་བུ།། ཞེས་ཞུས་པས། སྟོན་པས་འཁོར་ལ་བཀའ་སྩལ
201b4 པ།། དཔེར་ན་སེང་གེའི་འོ་མ་ཡང་།། རིན་ཆེན་གསེར་ཟོར་བླུགས་པ་ལས།། སྣོད་ངན་ཕལ་དུ་བཞོས་གྱུར་ན།། བཅུད་ཀྱང་འབོ་ལ་སྣོད་ཀྱང་ཆག། དེ་བཞིན་ཉི་ཟླ་ཡང་ཏི་ཡང་།། སྣོད་ལྡན་འགའ་ལ་བསྟན་པ
201b5 ལས།། སྣོད་མེད་དག་ལ་བསྟན་གྱུར་ན།། ཆོས་ཀྱང་ཤོར་ལ་རང་ཡང་བརླག། དེས་ན་སྣོད་ཀྱི་ཁྱད་པར་གཅེས།། རྒྱུད་འདི་བསྟན་པའི་སྐལ་ལྡན་ནི།། སྨྲས་པ་མི་འགྱུར་རི་རབ་ལྟ་བུའི་བློ།། སྙིང་རྗེ་ཕན་སེམས་ཆེ
201b6 ཞིང་དཀོན་མཆོག་མཆོད།། བླ་མ་གཙུག་ཁུར་གདམས་ངག་སྙིང་ལ་འཆང་།། དམ་ཚིག་གཞུང་བསྲུང་རྣམ་སྨིན་ལས་ལ་འཛེམ།། རྒྱུད་འཇམ་ངང་རིང་སྐྱོ་དུ་བ་མེད་ལ་གཏད།། ང་རྒྱལ་སེར་སྣ་ཆུང་ལ་ཆོས་ཕྱོགས
iiif viewer powered by OpenSeadragon
