| e-texts navigator |
| Wylie |
200b1 བཀའ་སྩལ་པ།། ཉི་ཟླ་འོད་འབར་རྒྱུད་ཀྱིས་ནི།། ཉི་མས་གསལ་བའི་གོ་ཡང་འབྱེད།། སྣང་གསལ་གོ་འབྱེད་འོད་གསལ་རྒྱུད།། སྙིང་པོ་ཀ་དག་སྟོན་པ་སྟེ།། ཡེ་ཤེས་གསལ་དག་མཚོན་པའི་རྒྱུད།། འོད་ཆེན་རབ་ཏུ
200b2 འབར་བས་ནི།། གཏི་མུག་མ་རིག་མུན་པ་སེལ།། བག་ཆགས་སྒྲིབ་གཡོགས་ཀ་དག་རྒྱུད།། མུན་པའི་སྨག་རུམ་སངས་ཏེ་རང་སར་གྲོལ།། གསལ་བའི་གོ་འབྱེད་ཉི་མའི་རྒྱུད།། ཙནྡ་ཟླ་བའི་རྒྱུད་ཀྱིས་ནི།། མཐའ་ཡི
200b3 མུན་སེལ་འོད་འབར་རྒྱུད།། མ་རིག་མུན་པ་སེལ་བ་ཡིན།། མ་རིག་ཀ་དག་ཡེ་ཤེས་གསལ།། རྨོངས་པའི་མུན་པ་སེལ་བའི་རྒྱུད།། ཟླ་བའི་འོད་འབར་མ་རིག་གཏི་མུག་སངས།། ཉི་མའི་འོད་འབར་སྣང་གསལ་ཡེ
200b4 ཤེས་རྒྱས།། དེ་ཕྱིར་ཉི་ཟླ་འོད་འབར་རྒྱུད།། ཟླ་བའི་འོད་འབར་ཐབས་ཀྱི་རྒྱུད།། ཉི་མའི་འོད་འབར་ཤེས་རབ་རྒྱུད།། དེ་ཕྱིར་ཐབས་དང་ཤེས་རབ་གཉིས་མེད་རྒྱུད།། མཁའ་ཀློང་རྣམ་དག་རྒྱུད་ཀྱིས་ནི།། མཁའ་ནི
200b5 རིག་པའི་འོད་གསལ་མཁའ།། ཀློང་ནི་སྙིང་པོ་ཆོས་ཉིད་ཀློང་།། རྣམ་དག་འཁྲུལ་པ་རྣམ་པར་དག། དེ་ཕྱིར་མཁའ་ཀློང་རྣམ་དག་རྒྱུད།། མཁའ་ནི་རྩལ་ཟེར་འོད་གསལ་ལ།། ཀློང་ནི་སྙིང་པོ་ཀ་དག་ཀློང་།། རྣམ་དག
200b6 བློ་ས་བཏགས་ཆོས་རྣམས་འགགས།། དེ་ཕྱིར་མཁའ་ཀློང་རྣམ་དག་རྒྱུད།། མཁའ་ནི་སྣང་གསལ་ནམ་མཁའ་ལ།། ཀློང་ནི་ཆོས་ཉིད་དབྱིངས་ཀྱི་ཀློང་།། རྣམ་དག་ཆོས་ཅན་ཆོ་འཕྲུལ་དག། སྤྲིན་དང་ཁུ་རླངས་ཆར
iiif viewer powered by OpenSeadragon
