| e-texts navigator |
| Wylie |
19b1 དཔེ་རྣམས་མང་ཡང་བསྡུས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རྒྱན་དང་རོལ་པ་མཚོན་པའི་དཔེ་བསྟན་པའི་ལེའུ་སྟེ་བཅུ་དྲུག་པའོ།། །། ཡུལ་ཡངས་པ་ཆེན་པོ་པདྨ་བདེ
19b2 གསལ་གྱི་གྲོང་ཁྱེར་བྱ་བ་ན། རྒྱལ་པོ་ནོར་བུ་འོད་ལྡན་ཞེས་བྱ་བ་བཞུགས་པས། ཁོང་ལ་ནོར་བུ་རིན་པོ་ཆེའི་ཟ་མ་ཏོག་ཆེན་པོ་གཅིག་རིན་པོ་ཆེ་ཕྲ་མོ་མང་པོས་བཀང་ནས་ཡོད་པ་ལ་ཁོང་ཕྱི་རོལ་དུ་ཞབས་འཆག
19b3 ཅིང་ཡུལ་གཟིགས་སུ་བྱོན་པ་ལས། རྒན་མོ་ལིང་ཏོག་ཅན་བྱ་བ་དང་འཕྲད་ནས། རྒན་མོས་སླའོ་ལ་བྲིད། རྐུན་མོ་མི་ལྔས་བར་དུ་ཟ་མ་ཏོག་བརྐུས། སྨེ་ཤ་ཅན་གྱི་གྲོང་ཁྱེར་དྲུག་ཏུ་མུན་པའི་མི་དྲུག་ལ་བཙོངས།
19b4 མུན་པའི་མི་དྲུག་གིས་ནོར་བུ་ལ་མཆོད་པ་དང་བཀུར་སྟི་ཆག། ནོར་བུ་ལ་ཡང་དགོས་འདོད་མ་བྱུང་། ཁོང་ཡང་ཡིད་ཅུང་ཐེ་ཙོམ་ཟོས་སོ།། ཕྱིས་རྒྱལ་པོ་ལ་ལྡམ་པོ་གཅིག་བྱུང་།། རྒན་མོས་སླའོ་ལ་བྲིད། རྐུན་མ་མི
19b5 ལྔས་བརྐུས། སྨེ་ཤ་ཅན་གྱི་གྲོང་ཁྱེར་དྲུག་ཏུ་མུན་པའི་མི་དྲུག་ལ་བཙོངས་སོ་བྱས་པས། རྒྱལ་པོ་ཐུགས་ནུར་ཏེ། རྒན་མོ་བསད། གྲོང་ཁྱེར་དྲུག་བཅོམས་མུན་པའི་མི་དྲུག་ལ་ཆབ་བསལ། རྐུན་མོ་ལྔ་བྲན་དུ་བཀོལ།
19b6 ནོར་བུ་རིན་པོ་ཆེ་དང་ཕྲད་ནས་ཡུལ་བཟུང་བའི་མན་ངག། བཛྲ་ཨ་ཧཾ་རཏྣ། ཛྙཱ་ན་པཉྩ་པྲ་པ་ར་ཨ་ཧཾ་བྷ་ཏི། དེ་ནས་ཡང་བཅོམ་ལྡན་འདས་སྣང་བ་རྣམ་པར་བཀོད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེའི
iiif viewer powered by OpenSeadragon
