| e-texts navigator |
| Wylie |
199a1 གཉིས་མེད་མཐའ་ཆོད་ཅིག། ཡེ་ཤེས་གཏིང་རྫོགས་མཐོང་བརྟོལ་བས།། དམྱལ་བར་སྐྱེ་བའི་རྒྱུ་མེད་དོ།། དམྱལ་བའི་གནས་མེད་ཀ་དག་ཀློང་།། དངོས་ལ་དམྱལ་བའི་རྒྱུ་མེད་པས།། དམྱལ་བ་མེ
199a2 ལྕེའི་ཕྲེང་བ་ཡང་།། བྱང་ཆུབ་སེམས་ཀྱི་ཞིང་ཁམས་ཡིན།། འདོད་ཆགས་སྤྲུལ་པའི་སྐུ་རུ་རྫོགས།། ལྷ་རུ་སྐྱེ་བའི་གཡང་ས་བཅད།། ཞེ་སྡང་ལོངས་སྤྱོད་རྫོགས་སྐུར་རྫོགས།། དམྱལ་བར་སྐྱེ་བའི་གཡང་ས
199a3 བཅད།། གཏི་མུག་ཆོས་སྐུར་ཆེན་པོར་རྫོགས།། བྱོལ་སོང་སྐྱེ་བའི་གཡང་ས་བཅད།། ང་རྒྱལ་ངོ་བོ་གཉིས་ཀྱི་སྐུ།། ལྷ་མིན་སྐྱེ་བའི་གཡང་ས་བཅད།། ཕྲག་དོག་དོན་དམ་བདེ་བའི་སྐུ།། མི་རུ་སྐྱེ་བའི་གཡང་ས
199a4 བཅད།། སེར་སྣ་དབྱེར་མེད་སྐུ་རུ་རྫོགས།། ཡི་དགས་སྐྱེ་བའི་གཡང་ས་བཅད།། ཀ་དག་མིང་མེད་བློ་འདས་རྟོགས།། དམྱལ་བ་ལ་སོགས་འགྲོ་དྲུག་མེད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར
199a5 མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། ཡང་ཏི་ཉི་ཟླའི་སྙིང་པོ་རྟོགས་པ་ལ་སངས་རྒྱས་དམྱལ་བ་མེད་པར་བསྟན་པའི་ལེའུ་སྟེ་ཉེར་གཅིག་པའོ།། །། དེ་ནས་གསལ་དག་རིན་ཆེན་གྱིས།། སྐྱེ
199a6 མེད་ཀ་དག་སྟོན་པ་ལ།། རྫོགས་ཆེན་ཡང་ཏི་ཡོ་ག་ཡིས།། མ་བསྒྲུབས་འབྲས་བུ་ཇི་ལྟར་ཐོབ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཉི་ཟླའི་སྙིང་པོ་ཡང་ཏི་ལ།། འབྲས་བུ་ཐོབ་དང་མ་ཐོབ
iiif viewer powered by OpenSeadragon
