| e-texts navigator |
| Wylie |
198b1 ངན་སོང་རྒྱུ་ཡང་མེད།། ཡེ་ཡིན་རང་སར་གྲོལ་གྱུར་པས།། ལས་འཕྲོ་མི་ལེན་མུ་མཐའ་ཡས།། ཀ་དག་མིང་མེད་དོན་རྟོགས་པས།། མཐོ་རིས་ངན་སོང་སྐྱེ་ལྟུང་མེད།། དགེ་སྡིག་ལས་འཕྲོའི་ཁར་མི་འོང་།། རྒྱུ་རྐྱེན
198b2 ཆོས་ལ་བློ་མི་གཏོད།། དགེ་སྡིག་གཉིས་ལ་རྟེན་མི་འཆའ།། རྒྱུ་འབྲས་གཉིས་ལ་རག་མ་ལུས།། བྱ་རྩོལ་ཞེ་འདོད་རེ་དོགས་མེད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ
198b3 ཀློང་གསལ་གྱི་རྒྱུད་ལས། ཡང་ཏི་ཉི་ཟླའི་སྙིང་པོ་ལ་དགེ་སྡིག་མཐོ་རིས་ངན་སོང་མེད་པར་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། སངས་རྒྱས་བྱ།
198b4 བ་ཡོད་དམ་མེད།། དམྱལ་བ་བྱ་བ་ཅི་ལ་ཟེར།། ཞུས་པས། སྟོན་པས་འཁོར་ལ་བཀའ་སྩལ་པ།། ཐིག་ལེ་མཐོང་བརྟོལ་དོན་རྟོགས་པས།། སངས་རྒྱས་མེད་པས་སངས་རྒྱས་མིང་ཡང་མེད།། རྙེད་པར་འདོད་པས
198b5 བསྐལ་པ་བརྒྱར་མི་རྙེད།། སངས་རྒྱས་གང་ཡིན་བླ་དགས་ཡིན།། བླ་དག་ཚིག་ལ་སངས་རྒྱས་མེད།། སངས་རྒྱས་གང་ཡིན་ཞེ་འདོད་ཡིན།། ཞེ་འདོད་སངས་རྒྱས་དགོས་པ་མེད།། སངས་རྒྱས་ཡོད་འདོད་ཡིད་སྨོན
198b6 ཡིན།། ཡིད་སྨོན་སངས་རྒྱས་དགོས་པ་མེད།། སངས་རྒྱས་མེད་པས་སངས་ལ་རྒྱས་རྒྱུ་མེད།། འདོད་པས་མི་མྱོང་རེ་དོགས་ཡིན།། སངས་རྒྱས་མེད་ཀྱིས་མ་རེ་ཅིག། དམྱལ་བ་མེད་ཀྱིས་མ་དོགས་ཤིག། རེ་དོགས
iiif viewer powered by OpenSeadragon
