| e-texts navigator |
| Wylie |
198a1 མུག་མུན་པ་ཀ་དག་རྒྱས།། སངས་རྒྱས་གཞན་ན་མེད་ཀྱིས་མ་རེ་ཞིག། ཡེ་ཡིན་ཀློང་གྱུར་ངོ་ཤེས་པས།། སེམས་ཅན་འཁོར་བ་མེད་ཀྱིས་མ་དོགས་ཤིག། གཉིས་མེད་གཉིས་སུ་དབྱེར་མེད
198a2 པས།། སེམས་ཅན་སངས་རྒྱས་གཉིས་མེད་གཉིས་ཀ་མེད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། རྟོགས་མ་རྟོགས་སངས་རྒྱས་སེམས་ཅན
198a3 གཞི་ལ་དབྱེར་མེད་པར་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། དགེ་སྡིག་ལས་འཕྲོ་ཡོད་དམ་མེད།། མཐོ་རིས་ངན་སོང་ཅི་ལ
198a4 ཟེར།། ཞུས་པས། སྟོན་པས་འཁོར་ལ་བཀའ་སྩལ་པ།། རྫོགས་ཆེན་ཡང་ཏི་ཡོ་ག་ལ།། དགེ་བ་མི་བསྒྲུབ་སྡིག་མི་འགེགས།། རང་སར་གྲོལ་ཞིང་སྐྱེ་མེད་རྟོགས།། དགེ་བ་ཆེད་དུ་མི་བྱེད་མཐོ་རིས་སྐྱེ་རུ་མེད།། སྡིག
198a5 པ་ཆེད་དུ་མི་བྱེད་ངན་སོང་སྐྱེ་རུ་མེད།། དགེ་སྡིག་གཉིས་པོ་ཆེད་དུ་མ་བྱས་པས།། མཐོ་རིས་ངན་སོང་རེ་དོགས་གཡང་ས་མེད།། ལས་འཕྲོ་མི་ལེན་འདི་ཀ་ལྟ་བུར་གྲོལ།། ཅི་སྟེ་ལས་ཀྱི་དབང་གྱུར་ན།། རང་བྱུང་ཡེ།
198a6 ཤེས་ག་ལ་ཡོད།། མཐོ་རིས་ངན་སོང་བླ་དྭགས་ཡིན།། ཡང་དག་དོན་ལ་མཐོ་རིས་ངན་སོང་མེད།། སྐྱེ་མེད་ཀ་དག་རྟོགས་པ་ལ།། ངན་སོང་ལྟུང་བའི་རྒྱུ་ཡང་མེད།། ཐིག་ལེ་ཁོང་གསལ་དོན་རྟོགས་པས།། མཐོ་རིས
iiif viewer powered by OpenSeadragon
