| e-texts navigator |
| Wylie |
196b1 སྙིང་པོ་ལ།། གོལ་སྒྲིབ་འཁྲུལ་པ་ཡོད་དམ་མེད།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཡང་ཏི་ཉི་ཟླའི་སྙིང་པོ་རྟོགས་པ་ན།། གོལ་སྒྲིབ་འཁྲུལ་པ་གང་ཡང་མེད།། ཡེ་ནས་ཐོག་མའི་དོན་རྟོགས
196b2 གོལ་དུ་མེད།། སྐྱེ་མེད་ཀ་དག་རྟོགས་པས་སྒྲིབ་པ་མེད།། བྱ་མེད་བློ་འདས་རྟོགས་པས་འཁྲུལ་དུ་མེད།། ཡེ་ཤེས་སྤྱི་བླུགས་རྟོགས་པས་ཐེག་པའི་གོལ་སྒྲིབ་མེད།། ཡང་ཏི་ཡོ་ག་རྟོགས་པས་ན།། གོལ་སྒྲིབ་ཉིས་སྟོང
196b3 ལྔ་བརྒྱ་ཡང་།། ཚིག་གི་གོང་འོག་ཐེག་པས་གཅིག་ཏུ་ཆོད།། གོལ་སྒྲིབ་ཆོད་པས་འཁྲུལ་པ་གང་ཡང་མེད།། ཅེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད
196b4 ལས། ཡང་ཏི་ཉི་ཟླའི་སྙིང་པོ་རྟོགས་པ་ལ་གོལ་སྒྲིབ་འཁྲུལ་པ་མེད་པར་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། མ་རིག་ཡེ་ཤེས་ཡོད་དམ
196b5 མེད།། འཆར་སྒོ་འཁྲུལ་སྒོ་ཅི་ལ་ཟེར།། ཞུས་པས། སྟོན་པས་འཁོར་ལ་བཀའ་སྩལ་པ།། ཡང་ཏི་ཉི་ཟླའི་སྙིང་པོ་ལ།། མ་རིག་ཡེ་ཤེས་གང་ཡང་མེད།། དཔེར་ན་ཉི་ཟླའི་སྙིང་པོ་ལ།། མུན་པ་ཡོད་པར་མ་གསུངས
196b6 སོ།། དེ་བཞིན་ཀ་དག་སྟོན་པ་ཡི།། འོད་གསལ་དེ་ལ་མ་རིག་མེད།། བག་ཆགས་སྒྲིབ་མེད་འཁྲུལ་སྒོ་མེད།། ཡེ་དག་རང་གསལ་ཡེ་ཤེས་ལ།། སྙིང་པོ་ཀློང་དུ་གྱུར་པས་འཆར་སྒོ་མེད།། ཐིག་ལེ་མཐོང་བརྟོལ་གསལ
iiif viewer powered by OpenSeadragon
