| e-texts navigator |
| Wylie |
196a1 ཏེ།། ཕུལ་ནི་ཀ་དག་ཆེན་པོར་ཕུལ།། དགྱེས་ནི་རང་བྱུང་སྐྱེ་མེད་དགྱེས།། ཚོགས་ནི་དུག་ལྔ་དུག་གསུམ་སྟེ།། ཕུལ་ནི་སྐུ་ལྔ་སྐུ་གསུམ་ཕུལ།། དགྱེས་པ་དོན་དམ་འགྱུར་མེད་དགྱེས།། ཚོགས་ནི་མཚན
196a2 མའི་རྣམ་རྟོག་སྟེ།། ཕུལ་ནི་རྩིས་གདབ་མེད་པར་ཕུལ།། དགྱེས་ནི་ཆོས་དབྱིངས་ཀློང་ཆེན་གྱིས།། གཏོར་ནི་བློས་བཏགས་ཆོས་རྣམས་གཏོར།། མ་ནི་ཆོས་ཉིད་རྣལ་མ་ཡིན།། གཏོར་བ་གྲུབ་མཐའི་ལྟ་སྒོམ
196a3 གཏོར།། མ་ནི་ལྷ་སྤྱོད་བསྒྲུབ་པ་མེད།། ཚོགས་གཉིས་མ་བསགས་ཡེ་ནས་རྫོགས།། སྒྲིབ་གཉིས་མ་སྦྱངས་ཡེ་ནས་དག། ཚོགས་དང་གཏོར་མ་མ་བཏང་བར།། ཀ་དག་སྙིང་པོའི་ཀློང་དུ་གྱུར།། ཚོགས་གསོག་བྱས
196a4 པས་དེར་མི་སླེབ།། སྨོན་ལམ་ཞེས་པའི་རང་བཞིན་ཀྱང་།། འདིར་བཏབ་ཕྱི་མར་མི་རེའོ།། སྨོན་ལམ་གང་ཡིན་ཡིད་སྨོན་ཏེ།། སྨོན་ལམ་ཞེས་པའི་ཐ་ཚིག་ཡིན།། སྨོན་པའི་སངས་རྒྱས་རང་ལ་རྙེད།། དེ་ཉིད་ཐར
196a5 ལམ་འགྲོ་བའི་ལམ།། དེ་ན་སྨོན་ལམ་ཞེས་སུ་བཤད།། ཀ་དག་སྐྱེ་མེད་ཀློང་གྱུར་པས།། སྨོན་ལམ་མ་བཏབ་ཡེ་ནས་རྫོགས།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང
196a6 གསལ་གྱི་རྒྱུད་ལས། ཡང་ཏི་ཉི་ཟླའི་སྙིང་པོ་ལ་ཚོགས་གཏོར་སྨོན་ལམ་མི་དགོས་པར་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ། ཡང་ཏི་ཉི་ཟླའི
iiif viewer powered by OpenSeadragon
