| e-texts navigator |
| Wylie |
195b1 རྟེན་མེད་ཀྱང་།། བྱར་མེད་བློ་འདས་དབང་བསྐུར་བས།། རྩོལ་བྲལ་མིང་མེད་དབང་ཐོབ་བོ།། དབང་ནི་རང་སེམས་སྐྱེ་བ་མེད།། བསྐུར་བ་ཀ་དག་ཆེན་པོར་བསྐུར།། ཐོབ་ནི་འཕོ་འགྱུར་མེད་པར་ཐོབ།། དབང་ནི
195b2 ང་དངས་གསལ་དག་སྟེ།། བསྐུར་ནི་དངོས་མེད་རྣལ་མར་བསྐུར།། ཐོབ་ནི་ཟང་ཟལ་རང་བྱུང་ཐོབ།། དབང་ནི་སྟོང་པ་ཀུན་ཏུ་འབྱུང་།། བསྐུར་ནི་འཛིན་པ་རང་དག་བསྐུར།། ཐོབ་ནི་རྣམ་དག་ཡེ
195b3 ཤེས་ཐོབ།། གཞན་གྱིས་བསྐུར་བའི་མཁན་པོ་མེད།། རང་གི་སེམས་ལ་ཡེ་ནས་རྫོགས།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། རྫོགས་ཆེན
195b4 ཡང་ཏི་རྟོགས་པ་ལ་དབང་དང་བྱིན་བརླབ་གཞན་ནས་རེ་མི་དགོས་པར་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། ཚོགས་དང་གཏོར་མ་མ་བཏང
195b5 བར།། ཚོགས་བསགས་སྨོན་ལམ་ཇི་ལྟར་རྫོགས།། ཞེས་ཞུས་སོ།། སྟོན་པས་འཁོར་ལ་བཀའ་སྩལ་པ།། རྫོགས་ཆེན་ཡང་ཏི་ཡོ་ག་ལ།། ཚོགས་དང་གཏོར་མ་མི་དགོས་ཏེ།། ཚོགས་གསོག་གཏོར་མ་དགོས་ན་ཡང་ཏི
195b6 མིན།། ཅི་ཕྱིར་རྩོལ་སྒྲུབ་ཡིད་སྨོན་ཡིན།། ཡིད་སྨོན་ཆོས་ཀྱིས་སངས་མི་རྒྱ།། དེ་བས་ཡང་ཏི་ཡོ་ག་ལ།། ཚོགས་དང་གཏོར་མ་ཡེ་ནས་རྫོགས།། ཡེ་ནས་རང་ལ་རྫོགས་ལུགས་ནི།། ཚོགས་ནི་སྣང་སྲིད་འཁོར་འདས
iiif viewer powered by OpenSeadragon
