| e-texts navigator |
| Wylie |
195a1 མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ལས། ཡང་ཏི་གནས་ལུགས་ཀྱི་དཀྱིལ་འཁོར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན
195a2 པ་ལ།། དཀྱིལ་འཁོར་ཆེན་པོ་དེ་ལྟར་ན།། དབང་བསྐུར་བྱིན་བརླབ་འཚལ་མི་འཚལ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། རྫོགས་ཆེན་ཡང་ཏི་རྟོགས་པ་ལ།། བྱིན་བརླབ་དབང་སྐུར་མི་དགོས
195a3 ཏེ།། རང་སེམས་གདོད་དག་སྐྱེ་མེད་ནམ་མཁའ་ལ།། ཐིག་ལེ་མཐོང་བརྟོལ་ཀ་དག་ཉི་ཟླ་ཤར།། མ་རིག་ལས་དང་ཉོན་མོངས་ཡེ་ནས་བརླག། དེ་དག་འོད་གསལ་ཆེན་པོའི་དབང་རྫོགས་སོ།། སྙིང་པོ་འདུས་མ་བྱས
195a4 པའི་དཀྱིལ་འཁོར་དུ།། རིག་གསལ་དང་དངས་ཁྱེའུ་ཆུང་ལ།། ཐིག་ལེ་ཁོང་གསལ་བཅུད་བསྡུས་དབང་བསྐུར་བས།། རང་གྲོལ་ཟང་ཐལ་དབང་ཐོབ་བོ།། མཁའ་ཀློང་རྣམ་དག་ཆོས་དབྱིངས་དཀྱིལ་འཁོར་དུ།།
195a5 སེམས་རིག་དང་དངས་ཁྱེའུ་ཆུང་ལ།། ཟོལ་བྱུང་དང་དངས་དབང་སྐུར་བས།། རང་བྱུང་དང་དངས་དབང་ཐོབ་བོ།། རིན་ཆེན་གསལ་དག་འོད་ཀྱི་དཀྱིལ་འཁོར་དུ།། རིག་པ་དང་དངས་ཀུན་བྱེད་ཁྱེའུ་ཆུང་ལ།། བྱ་མེད
195a6 རྩོལ་བསྒྲུབ་འདས་པའི་དབང་བསྐུར་བས།། བློ་ཟད་ཆོས་མེད་གཏིང་རྫོགས་མཐའ་ཡས་དབང་ཐོབ་བོ།། དབང་བསྐུར་དབང་བསྐུར་བྱར་མེད་དེ།། རང་སེམས་ཀ་དག་ངང་ལ་རྫོགས་པ་ལ།། རྫས་དང་བུམ་པའི
iiif viewer powered by OpenSeadragon
