| e-texts navigator |
| Wylie |
194a1 དགོས།། སྙིང་པོ་ཆོས་དབྱིངས་དཀྱིལ་འཁོར་ལ།། རང་བྱུང་སྐྱེ་མེད་གཙོ་བོ་བཞུགས།། འོད་གསལ་ཤར་ཕྱོགས་དཀྱིལ་འཁོར་ལ།། ཀ་དག་སྒྲིབ་མེད་ལྔ་ཚོགས་གནས།། ལྷོ་ཕྱོགས་རང་བཞིན་དཀྱིལ
194a2 འཁོར་ལ།། རང་བྱུང་སངས་རྒྱས་ལྷ་ཡང་བཞུགས།། ཉོན་མོངས་རྣམ་རྟོག་ནུབ་པའི་ནུབ་ཕྱོགས་ན།། ངང་གསལ་ཁྱེའུ་ཆུང་ཡེ་ནས་མ་བསྐྱེད་བཞུགས།། བློས་བརྟགས་བརྒྱད་ཁྲི་བཞི་སྟོང་བྱང་བའི་བྱང་ཕྱོགས
194a3 ན།། བློས་བརྟགས་མཚན་མ་གྲོལ་བའི་ལྷ་ཡང་བཞུགས།། མ་བསྐྱེད་ཡོངས་སུ་རྫོགས་པར་བཞུགས།། རིགས་ལྔ་ཆ་མཐུན་ཁྱད་པར་འཕགས།། རྩོལ་བསྒྲུབ་བྱས་ནས་བཞུགས་པ་མ་ཡིན་ཏེ།། ཡེ་ཐོག་མ་ཉིད་ནས
194a4 བཞུགས་པ་ཡིན།། ཡེ་ནས་བཞུགས་པས་སྤྱན་མི་འདྲེན།། གདོད་ནས་དག་པས་སྒྲིབ་མི་སྦྱང་།། ཀ་ནས་དག་པས་ད་མི་མཆོད།། ཡེ་ནས་བཟང་བས་བསྟོད་མི་དགོས།། རང་ལ་རང་གནས་གཤེགས་བཞུད
194a5 མེད།། གོང་དུ་བཤད་པའི་དོན་རྟོགས་ན།། དེ་ལས་མི་འདའ་དམ་ཚིག་ཡིན།། ཀ་དག་སྐྱེ་མེད་དོན་རྟོགས་ན།། དེ་ལས་མི་མདའ་དམ་ཚིག་ཡིན།། མིང་མེད་བརྗོད་འདས་དོན་རྟོགས་ན།། དེ་ལས་མི་འདའ་དམ་ཚིག
194a6 ཡིན།། དངོས་མེད་ཟང་ཐལ་དོན་རྟོགས་ན།། དེ་ལས་མི་འདའ་དམ་ཚིག་ཡིན།། བྱར་མེད་བློ་འདས་དོན་རྟོགས་ན།། དེ་ལས་མི་འདའ་དམ་ཚིག་ཡིན།། ཡང་ཏི་ཉི་ཟླའི་དོན་རྟོགས་ན།། འོག་མར་མི་སྤྱོད་དམ་ཚིག
iiif viewer powered by OpenSeadragon
