| e-texts navigator |
| Wylie |
193b1 སེམས་ཀྱི་དཀྱིལ་འཁོར་ནི།། གདོད་ནས་གསལ་བས་འདྲིར་མི་རེ།། མཁའ་ཀློང་རྣམ་དག་ཆོས་དབྱིངས་དཀྱིལ་འཁོར་ན།། རང་བྱུང་སྙིང་པོའི་ལྷ་ཚོགས་ངང་གིས་གསལ།། ད་གདོད་མི་བསྐྱེད་ཡེ་ནས་རྫོགས་པའི
193b2 ལྷ།། སྤྱན་འདྲེན་མཆོད་བསྟོད་མི་བྱེད་ཡེ་ནས་རང་ལ་རྫོགས།། དངོས་གྲུབ་གཞན་ནས་མི་རེ་རང་གི་སེམས་ལ་གྲུབ།། དཀྱིལ་འཁོར་གཞན་ནས་མི་བྲི་སེམས་ལ་རྫོགས།། ས་ཚོན་དཀྱིལ་འཁོར་འདུས་བྱས
193b3 ཡིན།། འདུས་བྱས་དཀྱིལ་འཁོར་ཐམས་ཅད་འཇིག། དེ་ཕྱིར་རང་བྱུང་སེམས་ཀྱི་དཀྱིལ་འཁོར་ནི།། རང་བཞིན་ངོ་བོ་ཐུགས་རྗེ་གསུམ།། ཐོག་མ་དང་པོའི་དཀྱིལ་འཁོར་ཡིན།། འདོད་ཆགས་ཞེ་སྡང་གཏི་མུག
193b4 གསུམ།། བདེ་གཤེགས་གསུམ་གྱི་དཀྱིལ་འཁོར་ཡིན།། སེམས་ཅན་ལུས་ངག་ཡིད་གསུམ་ཀྱང་།། སྐུ་གསུང་ཐུགས་ཀྱི་དཀྱིལ་འཁོར་ཡིན།། སྣང་སྲིད་སྣོད་བཅུད་འཇིག་རྟེན་རྣམས།། མ་བྲིས་འོད་གསལ་དཀྱིལ
193b5 འཁོར་ཡིན།། སྐྱེ་འགྲོ་སྣང་སྲིད་སེམས་ཅན་རྣམས།། མ་སྐྱེས་ཡོངས་རྫོགས་ལྷ་ཚོགས་ཡིན།། སྣང་བ་སྐུ་ཡི་དཀྱིལ་འཁོར་ཡིན།། སྒྲ་གྲག་གསུང་གི་དཀྱིལ་འཁོར་ཡིན།། དྲན་རྟོག་ཐུགས་ཀྱི་དཀྱིལ་འཁོར
193b6 ཡིན།། སྟོང་གསུམ་འཇིག་རྟེན་མ་ལུས་ཀུན།། ཡེ་གདོད་མ་ཉིད་ནས་ཀ་དག་ཡིན།། རང་བྱུང་འོད་གསལ་ཆེན་པོ་དེ།། གསལ་དག་སྒྲིབ་མེད་དཀྱིལ་འཁོར་ཡིན།། དཀྱིལ་འཁོར་དེ་ལྟར་རྫོགས་པས་བསྐྱེད་མི
iiif viewer powered by OpenSeadragon
