| e-texts navigator |
| Wylie |
193a1 པས།། ཨུ་པའི་ལྟ་བ་ངང་གིས་རྫོགས།། རིགས་ལྔ་སྐྱེ་འགག་གཉིས་མེད་པས།། ཡོ་གའི་ལྟ་བ་ངང་གི་རྫོགས།། ནང་རྒྱུད་མ་ཧཱའི་ཐེག་པ་ནི།། ཐབས་དང་ཤེས་རབ་གཉིས་མེད་པས།། མ་ཧཱའི་ལྟ་བ་དང
193a2 གིས་རྫོགས།། དབྱིངས་དང་ཡེ་ཤེས་གཉིས་མེད་པས།། ཨ་ནུའི་ལྟ་བ་ངང་གིས་རྫོགས།། རིག་པ་འགྱུ་བའི་ཤེས་པ་ལ།། རང་རྒྱུད་མེད་པས་ཞེན་མེད་པ།། ཨ་ཏིའི་ལྟ་བ་ངང་གིས་རྫོགས།། ཆོས་ཉིད་ཀ་དག་ཆེན་པོ
193a3 ལ།། དག་དང་མ་དག་གཉིས་མེད་པས།། སྠི་ཏིའི་ལྟ་བ་ངང་གིས་རྫོགས།། མཁའ་ཀློང་རྣམ་དག་ཆོས་ཉིད་སྙིང་པོ་ལ།། བློས་བཏགས་ཆོས་རྣམས་མ་ལུས་ཡོངས་སུ་རྫོགས།། རྫོགས་ཆེན་ཡང་ཏི་ཡོ་ག་ལ།། སྤང་ན
193a4 དུག་ལྔ་སྤང་ཀྱང་སྤང་ལེན་ཡིན།། བསྒྲུབ་ན་སྐུ་གསུམ་བསྒྲུབ་ཀྱང་རྩོལ་བསྒྲུབ་ཡིན།། སྤང་ལེན་མེད་པ་ཉི་ཟླའི་སྙིང་པོ་ཡིན།། ཞེས་གསུངས་སོ།། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང
193a5 གསལ་གྱི་རྒྱུད་ལས། ཡང་ཏི་ཉི་ཟླའི་སྙིང་པོར་ཐེག་པ་དགུ་མ་སྤངས་ངང་གིས་རྫོགས་པའི་ལེའུ་སྟེ་བཅུ་གསུམ་པའོ།། །། དེ་ནས་གསལ་དག་རིན་ཆེན་གྱིས།། སྐྱེ་མེད་ཀ་དག་སྟོན་པ་ལ།། དཀྱིལ་འཁོར་དབང
193a6 དང་དངོས་གྲུབ་ལ།། རེ་བར་བྱ་བའམ་ཡེ་ནས་རྫོགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཡང་ཏི་ཉི་ཟླའི་སྙིང་པོ་ལ།། འཇུག་པའི་དཀྱིལ་འཁོར་རེ་བའི་དངོས་གྲུབ་མེད།། ཆོས་ཉིད་བྱང་ཆུབ
iiif viewer powered by OpenSeadragon
